ترور هؤرگوتونون کؤکو قورودولور
ارن عملیاتلاری خالقین دستگی ایله اینانجلی و قرارلی بیر شکیلده داوام ائدیر
ایچ ایشلری باخانلیغی طرفیندن بؤلوجو ترور هؤرگوتو پکاکایا قارشی یئریدیلن ارن-۵ عملیاتیندا ۵۳ سیغیناق و ۶۲ آنبار یارارسیز حالا گتیریلدی.
ایچ ایشلری باخانلیغینین وئردیگی آچیقلامایا گؤره، ترور هؤرگوتو پکاکا/کاجکانین قیش یووالانماسینی آرادان قالدیرماق اوچون ژاندارما کماندو، ژاندارما اؤزل حرکات و گوونلیک قوروجولارینین ایشتیراکی ایله حیاتا گئچیریلهن عملیات داوام ائدیر.
عملیات چرچیوهسینده ۵۳ سیغیناق و ۶۲ آنبار یارارسیز حالا گتیریلدی. بو سیغیناقلاردا و آنبارلاردا چوخ ساییدا پاتلاییجی ماده، پاتلاییجی مادهلرین یاپیمیندا ایستیفاده اولونان لوازم، مهمات، تسکیلاتی سندلر، ساغلیق و یاشام لوازمی اله گئچیریلدی.
اؤلکهدهکی تروریزمین تامامیله اورتادان قالدیریلماسی اوچون حیاتا گئچیریلهن ارن عملیاتلاری خالقین دستگی ایله اینانجلی و قرارلی بیر شکیلده داوام ائدیر.