اردوغان، هولوکاست آنما گونو دولاییسیلا مئساژ یاییملادی
"اؤزللیکله دیجیتال پلاتفورملارین و باسین-یایین اورگانلارینین تأثیری ایله آرتان اسلام و یابانجی دوشمنچیلیگیه آرتیق 'دور' دئییلمهلیدیر"
پرزیدنت رجب طیب اردوغان، دونیادا گئتدیکجه آرتان اسلام قارشیدلیغی و خاریجی دوشمنچیلیگینه "دور" دئییلمهسی لازم اولدوغونو بیلدیردی.
اردوغان، ایلهتیشین باشقانلیغی اولوسلارآراسی هولوکاست آنما گونو دولاییسیلا حیاتا گئچیردیگی اینترنت سایتی weremember.gov.trده بیر ویدئو مئساژ یاییملادی.
اینسانلیق اولاراق چتین بیر دؤنمدن گئچدیگیمیزی، یئنی نؤوع کوروناویروس اپیدمیسی ایله عرقچیلیق ویروسونون دا گئتدیکجه یاییغینلاشدیغینی گؤردوکلرینی ایفاده ائدن اردوغان،
"مسجید، کنیسه و کلیسه کیمی عبادت یئرلرینه قارشی شدت ایچرن حرکتلرده جدی بیر آرتیش وار. فرقلی ائتنیک کیملیگی، دینی، دیلی و گؤرونوشو ایله توپلوم کسیملرینه قارشی نیفرت سوچلاری گوندن گونه آرتماقدادیر. عرقچی ترور بو گون توپلومسال باریش و اینسانلارین بیرلیکده یاشاما ایرادهسینی دینامیتلهین بیر گوونلیک تهدیدی حالینا گلدی. آنجاق کئچهن عصرده باش وئرهن الیم حادثهلر، عرقچی ایدئولوژیلرین هانسی آجیلارا سبب اولابیلهجگینی گؤستردی" دئدی.
میلیونلارجا اینسانین حیاتینی ایتیردیگی هولوکاست، بوسنی، روآندا و کامبوج سویقیریملارینین هر بیرینین اولوسلارآراسی توپلوما مسئولیتلرینی خاطیرلادان جانلی نومونهلر اولدوغونو دیله گتیرهن پرزیدنت، نیفرت سؤیلملری ایله مباریزهنین یالنیز قوربانلارین دئییل، اینسانلیق اولاراق هر کسین اورتاق وظیفهسیدیر.
اردوغان، هولوکاست، بوسنی، روآندا و کامبوج کیمی فاجعهلرین تکرارلانماماسی اوچون اولوسلارآراسی توپلومون حرکته گئچمهسی لازیم اولدوغونا ایشاره ائدرک،
"اؤزللیکله دیجیتال پلاتفورملارین و باسین-یایین اورگانلارینین تأثیری ایله آرتان اسلام و یابانجی دوشمنچیلیگیه آرتیق 'دور' دئییلمهلیدیر" دئدی.
"weremember.gov.tr" سایتیندا هولوکاست، روآندا، سربرنیتسا و کامبوج کیمی سویقیرییملاردا یاشانانلار بیلگی، بلگه و گؤرسللرله آنلادیلاجاق.