چاووش‌اوغلو، بایراموو ایله دانیشدی

خاریجی ایشلر باخانی مؤولود چاووش‌اوغلو، آذربایجان خاریجی ایشلر باخانی جیحون بایراموو ایله تلفندا دانیشدی.
آذربایجان خاریجی ایشلر باخانلیغینین وئردیگی آچیقلامادا، چاووش‌اوغلو ایله بایرامووون نیجریه سولاریندا سالدیرییا اوغرایان موزارت گمی‌سینده حیاتینی ایتیره‌ن آذربایجان‌لی چالیشانین جنازه‌سینین آذربایجانا آپاریلماسی قونوسوندا دانیشدیغی بیلدیریلدی.
لیبریا بایراق‌لی موزارت آدلی گمی ۲۳ ژانویه‌ده نیجریه‌نین لاگوس شهرین‌دن تخمیناً ۱۸۰ میل مسافه‌ده دنیز قولدورلارینین سالدیریسینا اوغرادی.
نیجریه‌نین لاگوس شهریندن گونئی آفریقانین کیپ‌تاون شهرینه ایرلی‌له‌ین گمی‌ده‌کی ۱۹ نفر‌دن بیر آذربایجانلی گمیچی اؤلدورولدو و ۱۵ نفر قاچیریلدی.
ایستانبولا گتیریلن آذربایجان‌لی گمی‌چی‌نین جنازه‌سی آذربایجانا گؤندریله‌جک.