تورکیه مالی-ده تؤردیلن ترور هوجومونو قیناییب

تورکیه مالی-ده تؤردیلن ترور هوجومو نتیجه سینده حیاتینی ایتیرنلر ایله علاقه دار بو اؤلکه‌یه باش ساغلیغی وئریب.

خاریجی ایشلر ناظیرلیگیندن وئریلن بیاناتدا دئییلیر: "ژانویه‌نین 24-ده مالی-ده‌کی بولکسی و موندورو حربی مرکزلرینه تشکیل ائدیلن ترور هوجومو نتیجه سینده 6 عسگرین هلاک اولماسی و چوخ سایدا تهلوکه‌سیزلیک خیدمتی امکداشی‌نین یارالانماسی ایله علاقه دار خبر بیزی کدرلندیریب. بو خاین هوجومو قیناییریق. ترور هوجومو نتیجه سینده حیاتینی ایتیرنلره الله‌دان رحمت دیلییریک، دوست و قارداش مالی خالقینا و حکومتینه درین حزن ایله باش ساغلیغی وئریریک.

قئید ائدک کی، ترور تشکیلات‌لاری واختاشیری بولکسی و موندورو حربی مرکزینه هوجوم ائدیر. 2016-جی ایلین مارس آییندا موندورو حربی مرکزینه ائدیلن هوجوم نتیجه سینده 5 حربچی هلاک اولموشدو. 2018-جی ایلده هر ایکی مرکزه ائدیلن هوجومدا ایسه 40 حربچی اؤلموشدو.