جمهور باشقانی اردوغان قولدورلارین هوجومونا معروض قالان گیمینین کاپیتانی ایله گوروشوب
جمهور باشقانی رجب طیب اردوغان گیروو گؤتورولن دنیزچیلرین قورتاریلماسی اوچون سعیلرین داوام ائتدیگینی بیلدیریب.
جمهور باشقانی رجب طیب اردوغان نیجریه ساحللرینده دنیز قولدورلاری طرفیندن هوجوما معروض قالان لیبریا بایراغی آلتیندا اوزن تورکیه شیرکتینه مخصوص " موزارت" آدلی گمینین کاپیتانلاریندان فورکان یارن ایله بیر داها تلفوندا دانیشیب.
حادثه ایله باغلی بوتون سورجلری یاخیندان ایزلهین جمهور باشقانی اردوغان گابن-دا لؤوبر سالان هوجوما معروض قالمیش گمیدن قورتولان اوچ نفرین ساغلاملیق دورومو حاقیندا معلومات آلیب و دنیز قولدورلاری طرفیندن گیروو گؤتورولن هئیت عضولرینین قورتاریلماسی اوچون سعیلرین داوام ائتدیگینی بیلدیریب.
دیگر طرفدن، تورکیه-نین لیبرویل سفیری نیلوفر اردم کایگیسیز دنیز قولدورلارینین هوجومونا معروض قالان " موزارت" آدلی گمینین خلاص اولا بیلن اوچ نفری ایله گؤروشوب.
خاطیرلاداق کی، ژانویه نین 23-ده نیجریه ساحللرینده دنیز قولدورلاری تورکیه شیرکتینه مخصوص لیبریا بایراغی آلتیندا اوزن "موزارت" آدلی گمییه هوجوم ائدیب. گمینین 19 هئیت عضووندن 15-ی گیروو گؤتورولوب، هوجوم نتیجهسینده فرمان ایسماییلوو آدلی آذربایجانلی مهندیس هلاک اولوب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.