چاووش‌اوغلو: تورک گمیچیلری قاچیران قولدورلاردان هله خبر گلمه‌دی

تورک گمی‌سینده‌کی ۱۹ نفر‌دن بیر آذربایجانلی گمیچی اؤلدورولدو و ۱۵ نفر قاچیریلدی

1570641
چاووش‌اوغلو: تورک گمیچیلری قاچیران قولدورلاردان هله خبر گلمه‌دی

خاریجی ایشلر باخانی مؤولود چاووش‌اوغلو، گینه کؤرفزین‌ده قاچیریلان گمی چالیشانلاری ایله باغلی دنیز قولدورلارینین هله هئچ کیمله ارتیاطا گئچمه‌دیکلرینی سؤیله‌دی.
مؤولود چاووش‌اوغلو، تورکیه بؤیوک ملت مجلسینده آچیقلامالار وئردی.
چاووش‌اوغلو:
«وطنداشلاریمیزا سالدیری اولدو. ۱۵ وطنداشیمیز قولدورلار طرفین‌دن قاچیریلدی. گمیده گوونلیک پروبلئمیمیز یوخدور. وطنداشلاریمیزدان بیری یارالی، دورومو چوخ یاخشی" دئدی.
پرزیدنت رجب طیب اردوغانین دورومو باشیندان بری تعقیب ائتدیگینی وورغولایان چاووش‌اوغلو،
"قولدورلاردان هله بیر خبر گلمه‌دی. بؤلگه‌ده‌کی بوتون اؤلکه‌لرله ارتباط قوردوق" دئدی.
لیبریا بایراق‌لی موزارت آدلی گمی سیراغا گون نیجریه‌نین لاگوس شهریندن تقریباً ۱۸۰ میل مسافه‌ده دنیز قولدورلاری طرفین‌دن سالدیرییا معروض قالدی.
نیجریه‌نین لاگوس شهریندن گونئی آفریقانین کیپ‌تاون شهرینه ایرلی‌له‌ین گمی‌ده‌کی ۱۹ نفر‌دن بیر آذربایجانلی گمیچی اؤلدورولدو و ۱۵ نفر قاچیریلدی.
قورتاریلان ۳ نفر دونن  گمینی گابونون جنتیل لیمانینا چکمیشدی.



ایلگیلی‌لی خبرلر