تورکیه "دوستلوق" آنلاشماسیندان دولایی سئوینجلی
آنلاشمانین، دوست و قارداش آذربایجان و تورکمنیستان خالقلاری اوچون فایدالی اولماسی آرزو ائدیلدی
تورکیه، آذربایجانلا تورکمنیستانین خزر دنیزین‌ده‌کی نفت یاتاغی آنلاشمالاریندان سئوینجلی.
خاریجی ایشلر باخانلیغین طرفیندن، آذربایجان و تورکمنیستانین خزر دنیزین‌ده "دوستلوق" آدلاندیردیقلاری هیدروکاربور یاتاغینی بیرگه آراشدیرماق و گلیشدیرمک اوچون آنلاشمالارینین سئوینجله قارشیلاندیغی بیلدیریلدی.
باخانلیغین وئردیگی آچیقلامادا، آنلاشمانین ایکی اؤلکه‌نین دوست‌لوغونو گوجلندیرمه‌سی آرزو ائدیلدی.
آنلاشمانین، دوست و قارداش آذربایجان و تورکمنیستان خالقلاری اوچون فایدالی اولماسینین، بؤلگه‌نین چیچکله‌نمه‌سی و ثابیتلیگینه قاتقی تامین ائتمه‌سینین آرزو ائدیلدیگی آچیقلامادا؛ آنلاشمانین تورکیه ایله آوروپانین گئری قالانینین انرژی گوونلیگینی آرتیراجاق پروژه‌لره ده امکان تانیماسی اومود ائدیلدی.
تورکمنیستان‌دا "سردار" و آذربایجان‌دا "کپز" اولاراق بیلینن یاتاغین هانسی اؤلکه‌یه عاید اولدوغو و نئجه ایشلدیله‌جگی مسئله‌سی ایللردیر ایکی اؤلکه آراسین‌دا دیپلوماتیک پروبلئملره سبب اولوردو.
خزر دنیزین‌ده آذربایجان و تورکمنیستانا عاید ساحه‌لرین اورتاسین‌داکی یاتاغین تقریباً ۶۰ میلیون تن نفت رزروینه صاحب اولدوغو تخمین ائدیلیر.
