تورکیه ایسراییلی قیناییب
تورکیه ایسراییل-ین اوردن چایینین باتی ساحلی و دوغو قدس-ده 2 مین 572 علاوه قانونسوز منزیلین تیکیلمهسی اوچون آددیم آتماسینی سرت دیلله قیناییب.
تورکیه ایسراییل-ین اوردن چایینین باتی ساحلی و دوغو قدس-ده 2 مین 572 علاوه قانونسوز منزیلین تیکیلمهسی اوچون آدیم آتماسینی سرت دیلله قیناییب.
خاریجی ایشلر ناظیرلیگینین بو بارهده وئردیگی بیاناتدا "ایسراییل-ین اعلان ائتدیگی مناقصه لرله 2 مین 112-سی اوردن چایینین باتی ساحلینده، 460-ی دوغو قدس-ده اولماقلا، عمومی 2 مین 572 منزیلدن عبارت علاوه قانونسوز مسکونلاشما یئرینین اینشاسی اوچون آتدیغی آددیمی سرت شکیلده قیناییریق" دئییلیب.
بیاناتدا ایسراییل-ین ایکی دؤولتلی بیر حل یولو چرچیوهسینده جغرافی جهتدن واحید بیر فیلیسطین دؤولتینین قورولماسینین قارشیسینی آلماق و قدس-ون ایستاتوسونو دییشدیرمک اوچون بو کیمی و بونا بنزر حرکتلرینین (بو اؤلکهدکی) هر سئچکی عرفهسینده آرتماسینین "تهلوکهلی فورصتچی دوشونجه طرزینی" عکس ائتدیردیگی ایفاده ائدیلیب.
بو حرکتلرله بؤلگهده باریشین برقرار اولماسینین یوللارینین دا باغلانماغا جهد ائدیلدیگی وورغولانان بیاناتدا "ایسراییل رهبرلیگینین بو ایشغالچی دوشونجهلرینه قارشی اولوسلار آراسی بیرلیگی فیلیسطین خالقینین و فیلیسطین تورپاقلارینین حقوقلارینی قوروماق اوچون حرکته کئچمهیه دعوت ائدیریک" ایفادهسی یئر آلیب.