اردوغان:"داها بؤیوک و گوجلو تورکیه-نین اینشاسینی داوام ائتدیریریک"
جمهور باشقانی اردوغان پارتیاسینین 7-جی نؤوبتی ساکاریا، یالووا، کیرکلارائلی، ادیرنه و چاناققالا ویلایت کنگرلرینده چیخیش ائدیب.
"داها بؤیوک و گوجلو تورکیه-نین اینشاسینی داوام ائتدیریریک".
بونو جمهور باشقانی و عدالت و اینکیشاف پارتیسینین (آک پارتی) صدری رجب طیب اردوغان پارتیسینین 7-جی نؤوبتی ساکاریا، یالووا، کیرکلارائلی، ادیرنه و چاناققالا ویلایت کنگره لرینه جمهور باشقانلیغیندان قاتیلدیغی جانلی باغلانتیدا دئییب.
چیخیشیندا "مین ایلدیر یاشادیغیمیز بو تورپاقلاردا قازاندیغیمیز هر بیر اوغورون آرخاسیندا میلیونلارلا اینسانین زحمتی و عزمی، میلیونلارین قانی وار" ایفادهسینی ایشلهدن جمهور باشقانی اردوغان "مین ایل کئچسه ده بیزه بو وطنی یاراشدیرمایانلار، چوخ گؤرنلر اولدوغونو بیلیریک" دئییب.
تورکیه-ده دموکراسی و اقتصادیاتداکی اینکیشافی گؤرمهمک اوچون گؤزلرینی یومانلاری، قولاقلارینی باغلایانلاری، قانلارینی قارالدانلاری دا بیلدیکلرینی قئید ائدن اردوغان بؤیوک و گوجلو تورکیه-نین اینشاسینی داوام ائتدیردیکلرینی سؤیلهییب.