حولوصی آکار عراق-دا بیر سیرا گؤروش‌لر کئچیریب

عراق پرزیدنتی برهم صالح اؤلکه‌سینده رسمی سفرده اولان میللی ساوونما ناظیری حولوصی آکار و باش قرارگاه رئیسی یاشار گولری پرزیدنت ساراییندا قبول ائدیب.

1566435
حولوصی آکار عراق-دا بیر سیرا گؤروش‌لر کئچیریب

عراق پرزیدنتی برهم صالح اؤلکه‌سینده رسمی سفرده اولان میللی ساوونما ناظیری حولوصی آکار و باش قرارگاه رئیسی یاشار گولری پرزیدنت ساراییندا قبول ائدیب.

عراق جمهور باشقانلیغی مطبوعات خیدمتی‌نین معلوماتینا گؤره، ییغینجاقدا هر ساحه‌ده امکداش‌لیق موذاکیره ائدیلیب و "عراق-ین کیمه‌سه هوجوم یئری اولماماسی"نین واجیب‌لیگی وورغولانیب.

معلوماتا گؤره، میللی ساوونما ناظیری آکار عراق-ین اگمنلیگینه و ثابت‌لیگینه حؤرمت ائتدیک‌لرینی بیلدییب و اورتاق دایانیشما و کووردیناسیونون واجیب‌لیگینی دیله گتیریب.

ناظیر آکار و ژنرال گولر عراق جمهور باشقانی ایله گؤروش‌دن سونرا بو اؤلکه‌نین ایچ ایشلر ناظیرلیگینده اولوب‌لار. مراسیمله قارشی‌لانان آکار عراق-ین ایچ ایشلر ناظیری عثمان علی فرهود الغانمی ایله گؤروشوب.

ناظیر آکار داها سونرا تورکیه-‌نین باغداد سفیرلیگینده اولوب، سونرا ایسه اربیله کئچیب.

قئید ائدک کی، بوندان اول عراق-ین باش ناظیری مصطفی الکاظیمی ده رسمی سفرله باغداد-دا اولان حولوصی آکار و یاشار گولری حکومت ساراییندا قبول ائدیب.

عراق باش ناظیرلیگی مطبوعات خیدمتی‌نین معلوماتینا گؤره، گؤروشده ایکی اؤلکه آراسینداکی اورتاق مسئله‌لر و حربی دایانیشمانین گوجلندیریلمه‌سی موذاکیره ائدیلیب.

عراق-دان تورکیه-‌یه یؤنلدیلمیش ترور هوجوم‌لارینی رد ائتدیک‌لرینی ایفاده ائدن الکاظیمی بو جور تهدیدلری آرا‌دان قالدیرماسی‌نین تهلوکه‌سیزلیک قوه‌لری‌نین بوتون اؤلکه اراضی‌لرینده مؤوجودلوغونو گؤسترمه‌سیله مومکون اولاجاغینی ایفاده ائدیب.

عراق-ین باش ناظیری اوردونون گوجلندیریلمه‌سی اوچون تورکیه-‌نین دستکینه احتیاج اولدوغونو سؤیله‌ییب.

آچیقلامایا گؤره، میللی ساوونما ناظیری آکار عراق حکومتینه وظیفه‌سینده اوغورلار آرزولاییب و تورکیه سلاحلی قوه‌لرینین عراق اوردوسونا ترورلا موباریزه، تعلیم و موشاویرلیک ساحه‌لرینده دستک وئرمه‌یه حاضیر اولدوغونو بیلدیریب.



ایلگیلی‌لی خبرلر