حولوصی آکار باغداد-دا سفرده‌دیر

تورکیه-نین ساوونما ناظیری حولوصی آکار عراق-ین پایتاختی باغداد-ا رسمی سفر ائدیب.

حولوصی آکاری سفری چرچیوسینده تورکیه سلاحلی قوه لرینین باش قرارگاه رئیسی یاشار گولر همراهلیق ائدیر.

آکار ایله گولرین عراق پرزیدنتی برهم صالح، باش ناظیر مصطفی کاظمی، ساوونما ناظیری جمعه عناد و دیگر رسمیلرله گؤروش کئچیرمه‌سی پلانلاشدیریلیر.

گؤروشلرده ترورلا موباریزه و تورکیه ایله عراق آراسینداکی امکداشلیغین موذاکیره اولوناجاغی بیلدیریلیب.