شایان خیریان حبسخانادا انتحار ائتدی
اونیورسیته اؤیرنجیسی آلئینا یورتکؤلهسینی بوغاراق اؤلدورن ایرانلی شایان خیریان، حبسخانادا انتحار ائتدی
۲۲ یاشلی پاموققالا اونیورسیتهسی تاریخ بؤلومو اؤیرنجیسی آلئینا یورتکؤلهسینین، ۹ ژانویهده تک یاشادیغی اؤلوسو تاپیلمیشدی.
پلیس آراشدیرملاری سونوجو، قتل شبههلیسینین یورتکؤلهسینین اسکی سئوگیلیسی ایرانلی شایان خیریان اولدوغو بللی اولدو. شبههلی ائوینده پلیس طرفیندن گؤزآلتینا آلینمیشدی.
خیریان ایفادهسینده، یورتکؤلهسینین اسکی سئوگیلیسی اولدوغونو، بیر مدت اول آیریلدیقلارینی و گنج قیزین باریشماق ایستمهدیگی دارتیشما سیراسیندا بوغازینی سیخاراق اؤلدوردوگونو اعتراف ائتدی.
بازار گونو پلیس بؤلمهسیندهکی ایشلملریندن سونرا محکمهیه گؤندریلهن خیریان، محکمه طرفیندن توتوقلاندی. ایران وطنداشی خیریان، کوجاباش حبسخانایا گؤندریلدی.
شایان خیریان دونن آخشام حبسخانادا قالدیغی اوتاقدا اؤزونو تاواندان ایپ ایله آساراق انتحار ائتدی. خیریانین جسدی گؤرهولیلر طرفیندن تاپیلدی.
ژاندارما تیملری طرفیندن آپاریلان سوروشدورمادان سونرا شایان خیریانین جسدی یاریلما اوچون پاموققالا اونیوئرسیتهسی خستهخاناسینا آپاریلدی. حادثه ایله باغلی سوروشدورما داوام ائدیر.