اردوغان: آمریکاداکی کنگره باسقینی انسانلیغی شوک ائتدی
"سؤزه گلن‌ده 'دموکراسینین بئشگی' اولاراق تصویر ائدیلن آمریکاداکی بو پروسه حقیقتا بوتون اینسان‌لیغی شوکا سالدی"
پرزیدنت رجب طیب اردوغان، دموکراسینین بئشگی اولاراق تصویر ائدیله‌ن آمریکادا کنگره‌یه باسقین ائدیلمه‌سینین بوتون اینسان‌لیغی شوکا سالدیغینی سؤیله‌دی.
پرزیدنت اردوغان ایستانبول‌دا گونده‌مله باغلی ژورنالیستلره آچیقلاما وئردی.
اردوغان آچیقلاماسین‌دا آمریکانین باشکندی واشینقگتن‌دا ژانویه‌نین ۶سیندا جو بایدنین باشقانلیق سئچکی‌سین‌ده‌کی غلبه‌سینین اونایلاناجاغی کنگره اوتورومو زامانی دونالد ترامپ طرفدارلارینین کنگره بیناسینا گیرمه‌سیله باش وئره‌ن حادثه‌لره توخوندو.
اردوغان "سؤزه گلن‌ده "دموکراسینین بئشگی" اولاراق تصویر ائدیلن آمریکاداکی بو پروسه حقیقتا بوتون اینسان‌لیغی شوکا سالدی" دئدی.
۲۰۱۳.جو ایلدکی "گزی" حادثه‌لرین‌ده و ۱۵ جولای ۲۰۱۶دکی چئوریلیش گیریشیمین‌ده سس‌سیز قالان و بو مؤوضوعدا چوخ فرق‌لی مئساژلار یایان آمریکا و آمریکا مئدیاسینا تپکی گؤستره‌ن جمهورباشقانی "او دؤورده ده آمریکادا حاکمیت‌ده دموکراتلار وار ایدی. دموکراتلار نه ایسه جمهوریتچیلرین ده عینی اولدوغونو گؤردوک. بونون دموکراسی اوچون بیر اوز قاراسی اولدوغونو گؤروروک. اومود ائدیریک کی، ۲۰ ژانویه تاریخین‌دن اعتباراً بایدنین پرزیدنت‌لیک وظیفه‌سینین تحویل وئریلمه مراسیمی ساکیت کئچیریلر" دئیه بیلدیردی.
بون‌دان سونراکی پروس‌ده بایدن ایله آمریکانین دینجلیگه قوووشماسینا اومود ائتدیکلرینی وورغولایان اردوغان «یئنی نؤوع کوروناویروس (جووید-۱۹) اپیدمیسی دؤورونو یاشاییریق. بئله بیر اپیدمی دؤورون‌ده بو پروسه‌نین حساس‌لیقلا داوام ائتمه‌سینین واجیبلیینه اینانیرام. اولوسلارآراسی ایلیشکیلرده ده چوخ فرق‌لی بیر دؤوره آمریکا دا گیرمه‌لی‌دیر. اؤلنلرین عائله‌لرینه صبر، یارالیلارا دا عاجل شفا دیلکلریمی بیلدیریرم" ایفاده‌لردن ایستیفاده ائتدی.
واشینگتن‌دا یئرلشه‌ن کنگره بیناسی قارشی‌سین‌دا باش وئره‌ن اعتراض و اغتیشاشلار سیراسیندا ۴ نفر اؤلدو. کنگره‌نین اوتورومو یاریمچیق قالدی.
اعتراضچیلار بینادان چیخاریلدیق‌دان سونرا کنگره اوتورومو یئنیدن باشلادی و جو بایدنین باشقانلیق سئچکیلرین‌ده غلبه‌سینی اونایلاندی.
