چاووش اوغلو:"امریکا-داکی حادثهلر یالنیز بیزی دئییل، بوتون دونیانی ناراحات ائتدی"
مولود چاووش اوغلو "باش وئرنلر یالنیز بیزیم اوچون دئییل، آوروپا و بوتون دونیا اوچون ناراحاتلیق دوغوران بیر حادثهدیر. پروبلئمین حلیندن ممنون اولدوق" دئییب.
خاریجی ایشلر ناظیری مولود چاووش اوغلو پرزیدنت دونالد ترامپ طرفدارلارینین امریکا-دا کنگره بیناسینا گیرمه سیله باشلایان حادثهلرله علاقهدار اولاراق، "باش وئرنلر یالنیز بیزیم اوچون دئییل، آوروپا و بوتون دونیا اوچون ناراحاتلیق دوغوران بیر حادثهدیر. پروبلئمین حلیندن ممنون اولدوق" دئییب.
ناظیر چاووش اوغلو بونو رسمی گؤروشلر آپارماق اوچون گئتدیگی پورتوقالیانین پایتاختی لیسبون-دا بو اؤلکهنین خاریجی ایشلر ناظیری آگوستو سانتوس سیلوا ایله ایکی طرفلی و هئیتلرآراسی گؤروشلردن سونرا تشکیل ائدیلن اورتاق مطبوعات کنفرانسیندا دئییب.
ناظیر چاووش اوغلو امریکانین پایتاختی واشینگتن-دا پرزیدنت دونالد ترامپ طرفدارلارینین ژانویه نین 7-ده کنگره بیناسینا گیرمهسیله باش وئرن حادثهلری قیمتلندیررکن، بو حادثهلرین اونو تعجب لندیرمهدیگینی، چونکی بونون سیقناللارینی اساساً پرزیدنت سئچکیلریندن بریدیر ایزلهدیکلرینی بیلدیریب.
"بیز حقیقتن چوخ ناراحات اولدوق. دونن واشینگتن-دا باش وئرن حادثه امریکا-دا ایلک دفعه ایدی و نتیجهده ساغلام دوشونجه اوستونلوک قازاندی. دونن باش وئرنلر یالنیز بیزی دئییل، آوروپانی و بوتون دونیانی ناراحات ائدن بیر حادثه ایدی. پروبلئمین حل اولونماسیندان ممنونوق" دئیه چاووش اوغلو وورغولاییب.
ناظیر چاووش اوغلو همکاری آگوستو سانتوس سیلوا ایله گؤروشونده پورتوقالیا ایله تورکیه آراسیندا اورتاق اقتصادی کمیسیون توپلانتیسینین کئچیریلمهسینه حکومتلر آراسی زیروه اولی قرار وئردیکلرینی بیلدیریب.
سیلوا ایله گؤروشونده بولگه سل مسئلهلرله یاناشی ایکی طرفلی مسئلهلری موذاکیره ائتدیکلرینی سؤیلهین چاووش اوغلو موزامبیک باشدا اولماقلا لیبی، داغلیق قاراباغ، سوریه، دوغو آغ دنیزی، ونزوئلا و افریقا-داکی وضعیتی قیمتلندیردیکلرینی سؤیلهییب.
رسمی دانیشیقلار آپارماق اوچون پورتوقالیانین لیسبون شهرینده اولان چاووش اوغلون پورتوقالیانین باش ناظیری آنتونیو کوستا طرفیندن ده قبول ائدیلیب.
چاووش اوغلو گؤروشلری چرچیوهسینده پورتوقالیا-تورکیه دوستلوق قروپو پارلامنت لر آراسی دوستلوق قروپونون صدری پدرو راگ ایله ده بیر آرایا گلیب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.