تورکیه رسمی لری امریکا-دا باش وئرن حادثهلره موناسیبت بیلدیریب
تورکیه بؤیوک میللت مجلیسینین صدری مصطفی شنتوپ امریکا-دا باش وئرن حادثهلری ناراحاتلیقلا ایزلهدیکلرینی، طرفلری ایلکین پلاندا ساکیت اولماغا دعوت ائدیلدیکلرینی بیلدیریب.
تورکیه بؤیوک میللت مجلیسینین صدری مصطفی شنتوپ امریکا-دا باش وئرن حادثهلری ناراحاتلیقلا ایزلهدیکلرینی، طرفلری ایلکین پلاندا ساکیت اولماغا دعوت ائدیلدیکلرینی بیلدیریب.
شنتوپ سوسیال مئدیا حسابینداکی پایلاشیمیندا امریکا-دا پرزیدنت سئچکیلریندن سونرا باش وئرن و ژانویه نین 5-ده کنگره بیناسینا نوماییشچیلرین گیرمهسینه قدر گئدیب چیخان حادثهلری قیمتلندیریب.
مصطفی شنتوپ "امریکا-دا باش وئرنلری ناراحاتلیقلا تعقیب ائدیریک، طرفلری ایلکین پلاندا ساکیت اولماغا دعوت ائدیریک. هر زامان حقوق و دموکراسی ایچینده پروبلئملرین حل ائدیله جگینه اینانیریق. تورکیه اولاراق هر زامان حقوق و دموکراسی نین طرفداریییق. هر کسه ده بونو مصلحت گؤروروک" ایفادهلریندن ایستیفاده ائدیب.
بمت-نین 75-جی باش مجلیسینین صدری وولکان بوزکیر دا امریکا کنگره سینه ژانویه نین 6-دا پرزیدنت دونالد ترامپین طرفدارلارینین باسقین ائتمهسیندن سونرا باش وئرن حادثهلردن کدرلندیگینی و ناراحات اولدوغونو بیلدیریب.
بوزکیر توییتر حسابیندان "امریکا دونیانین ان بؤیوک دموکراسی اؤلکهلریندن بیریدیر. اینانیرام کی، بئله کریتیک بیر زاماندا ائو صاحیبی اؤلکهمیزده دموکراسی دموکراتیک سوره جده باریش و حرمتین قلبه قازاناجاق" دئیه قئید ائدیب.
جمهور باشقانلیغینین سؤزچوسو ابراهیم کالین توییتر حسابیندا امریکانین پایتاختی واشینگتن-دا پرزیدنت دونالد ترامپا دستک نوماییشی کئچیرن بیر قروپ نوماییشچینین پولیس باریکاتینی کئچهرک کنگره بیناسینا گیردیگینی بیلدیریب.
"امریکا-داکی حادثهلری ناراحاتلیقلا ایزلییریک" ایفادهسینی ایشلهدن کالین عینی مئساژین اینگیلیزجه سینی ده پایلاشیب.
جمهور باشقانلیغی مطبوعات خیدمتینین رهبری فخرالدین آلتون توییتر حسابیندا پایلاشیم ائدهرک، "امریکا-دا دموکراسینین بوتون قوروم و تاموللریله ان قیسا مودتده فعالیته باشلایاجاغینا اینامیمیزی قورویوروق" ایفادهلردن ایستیفاده ائدیب.