تورکیه-‌ده کوروناویروسلا باغلی سون معلومات لار آچیقلانیب

تورکیه-‌ده یئنی نوع کوروناویروس‌دان (کووید-19) سون گون عرضینده 194 نفر اؤلوب.

تورکیه-‌نین ساغلیق ناظیری فخرالدین کوجا اؤز آچیقلاماسیندا بیلدیریب کی، سون 24 ساعاتدا سیمپتوم‌لاری معین ائدیلمه‌ین خسته‌لرله بیرلیکده داها 12 مین 171 نفر کووید-19 انفکسیونونا یولوخوب.

بو گون یئنی نوع کوروناویروس‌دان ساغالان خسته‌لر 8 مین 211، آغیر خسته‌لر ایسه 3 مین 201 نفر اولوب.

قئید ائدک کی، تورکیه-‌ده ایندییه‌دک یئنی نوع کوروناویروس سیمپتوم‌لاری معین ائدیلمه‌ین 2 میلیون 296 مین 102 نفر کووید-19 خسته‌سی اولا‌راق قئیده آلینیب، اونلاردان 2 میلیون 172 مین 251 نفر ساغالیب، 22 مین 264 نفر ایسه وفات ائدیب.

ناظیر دئییب کی، قاداغا‌لار و کووید-19-لا موباریزه تدبیرلری اوغورلو نتیجه وئرمکده داوام ائدیر.