فخرالدین آلتون وین-ده کی ترور حادثه سینی قیناییب
جمهور باشقانلیغی مطبوعات خیدمتینین رهبری فخرالدین آلتون اطریش-ین پایتاختی وین-ده باش وئرن ترور حادثه سینی قیناییب.
جمهور باشقانلیغی مطبوعات خیدمتینین رهبری فخرالدین آلتون اطریش-ین پایتاختی وین-ده باش وئرن ترور حادثه سینی قیناییب.
آلتون سوسیال مئدیادا حسابیندان "وین-ده کی ترور هوجوملارینی سرت شکیلده قیناییرام. هوجوم نتیجهسینده حیاتینی ایتیرنلرین عائلهلرینه باش ساغلیغی، یارالیلارا شفا دیلییرم. تورکیه ترورون علیهینهدیر و اطریش خالقینین یانیندادیر. کدرینیزی بؤلوشوروک" دئییب.
قئید ائدک کی، وین-ده تفنگله سیلاحلانمیش بیر نئچه نفر آلتی فرقلی مکاندا اطرافا آتش آچیب. هوجوملاردان بیری شوئدئنپلاتس مئیدانیندا، سیناقوقون یاخینلیغیندا باش وئریب. ایلکین خبرلرده هوجومون اساس هدفینین سیناقوق اولدوغو بارهده معلوماتلار یاییلیب.
سون معلوماتا گؤره، باش وئرن سلاحلی هوجوملار نتیجهسینده 2 نفر اؤلوب، 14 نفر یارالانیب.
پولیس سلاحلی شخصلردن بیرینی ضررسیزلشدیره بیلیب. سلاحلیلاردان دؤردو تسلیم اولسا دا، دیگر اوچو حادثه یئریندن قاچیب. حاضیردا شوبههلی شخصلرین آختاریشی اوچون عملیات کئچیریلیر.
اطریش باش ناظیری سباستیان کورتس وین-ده باش وئرمیش هوجومو ترور آکتی آدلاندیریب.