ناظیرلیگین "فاتح"، "یاووز" و "بارباروس خیرالدین پاشا" گمیلریله باغلی پایلاشیمی

میللی مودافعه ناظیرلیگی "فاتح"، "یاووز" و "بارباروس خیرالدین پاشا" کشفیات-قازما گمیلری اوچون قوروما و موشاییت وظیفه‌لرینین داوام ائتدیگینی ایفاده ائد‌رک یئنی فوتوشکیللر یاییملاییب.

دوغو آغ دنیزینده یونانیستان و فرانسا ایله گرگین‌لیک داوام ائدرکن تورکیه سیسمیک آراشدیرما و قازما فعالیتلرینی قرارلی شکیل‌ده داوام ائتدیریر.

سون آچیقلاما میللی مودافعه ناظیرلیگی‌نین توییتر حسابیندان ائدیلیب.

پایلاشمادا "نجیب میللتیمیزه یئنی مژده‌لر وئرمک اوچون آراش‌دیرمالارینی داوام ائتدیر‌ن "فاتح" قازما گمی‌سینه قارا دنیزده "یاووز" و "بارباروس خیرالدین پاشا" کشفیات-آختاریش گمیلرینه ده دوغو آغ دنیزینده قوروماق و موشاییت ائتمک اوچون تأثیرلی و قرارلی شکیلده داوام ائدیریک" دئییلیب.

پایلاشمادا گمیلرین یئنی فوتولاری دا یئر آلیب.