تورکیه-نین گؤندردیگی طبی یاردیم آوا‌دان‌لیق‌لاری سوما‌لی-یه چاتیب
تورکیه-نین یئنی نوع کروناویروس (کووید-19) ایله موباریزه اوچون گؤندردیگی ایکینجی قروپ طبی یاردیم آوا‌دان‌لیق‌لاری سوما‌لی-یه چاتدیریلیب.
تورکیه-نین یئنی نوع کروناویروس (کووید-19) ایله موباریزه اوچون گؤندردیگی ایکینجی قروپ طبی یاردیم آوا‌دان‌لیق‌لاری سوما‌لی-یه چاتدیریلیب.
میللی مودافعه ناظیرلیگی‌نین تویتر صحیفه‌سینده یئر آلان معلوماتا گؤره، جمهور باشقانی رجب طیب اردوغانین تعلیمات‌لاری ایله حاضیرلانان و "کووید-19" ایله موباریزه آپارماق اوچون ایستیفاده ائدیلن ایکینجی قروپ طبی یاردیم ماتئریال‌لاری سوما‌لی-یه چاتدیریلدی.
ساغلیق ناظیرلیگی و تورک امکداش‌لیق و کووردیناسیون ایداره سی (تیکا) طرفیندن حاضیرلانان خرک، یاتاق دستی کیمی ماتئریال‌لار دونن گئجه پایتاخت آنکارا-داکی ائتیمئسگوت حربی هاوا لیمانین‌دان حرکت ائتمیشدی.
تورکیه حربی هاوا قوه‌لرینه مخصوص "A400M " تیپ‌لی حربی نقلیات طیاره‌سی‌نین آپاردیغی طبی یاردیم ماتئریال‌لاری اؤلکه‌نین پایتاختی موگادیشویا ائنیش ائدیب.
قئید ائدک کی، تورکیه "کووید-19" ایله موباریزه چرچیوه‌سینده داها اول ده سوما‌لی-یه طبی وسائل گؤندرمیشدی.
