آکسوی: "تورکیه-نین کوچ سیاستینده دییشیکلیک یوخدور"
تورکیه-نین قاچقین و سیغیناجاق آختارانلارلا علاقهدار سیاستینده دییشیکلیک اولمادیغی بیلدیریلیب.
تورکیه-نین قاچقین و سیغیناجاق آختارانلارلا علاقهدار سیاستینده دییشیکلیک اولمادیغی بیلدیریلیب.
خاریجی ایشلر ناظیرلیگی سؤزچوسو حامی آکسویون قاچقینلارین آوروپا کئچه بیلمهسی اوچون تورکیه-نین سرحد-کئچید منطقهلرینی آچماسی ایله باغلی آچیقلاما وئریب.
سوریه-نین ادلیب بؤلگهسینده یاشانان و یوز مینلرله اینسانین ائو-ائشیکلریندن دیدرگین ائدیلمهسینه سبب اولان سون حادثهلرین تورکیه اوزریندکی موجود کؤچ تضییقینی داها دا آرتیردیغینی خاطیرلادان آکسوی "بو احوالاتلار خالقیمیز و دونیا اجتیمایتی طرفیندن ایزلنیلیر. باش وئرنلر اؤلکهمیزدکی قاچقین لارا و کوچمن لره دریندن تأثیر ائتدی. اصلینده اؤلکهمیزدکی بعضی قاچقینلار و کوچمن لر باتی سرحدلریمیز ایستیقامتینده ایرهلیلمهیه باشلادیلار. وضعیت پیسلهشهجگی حالدا بو ریسک آرتماقدا داوام ائدهجک" دئییب.
حامی آکسوی تورکیه-نین ان چوخ قاچقینا ائو صاحبلیگی ائدن اؤلکه اولدوغونو وورغولایاراق، "قاچقین و سیغیناجاق آختارانلار اوچون سیاستیمیزده هئچ بیر دییشیکلیک یوخدور" ایفادهسینی ایشلدیب.
سوریه رژیمینین شدتلی هوجوملاریندان قاچان ادلیب خالقینین تورکیه سرحدینده میدانا گتیردیگی کؤچ دالغاسینین، قورو و دنیز یولو ایله آوروپایا کئچمهسینه مانع اولونمایاجاغی، ساحل تهلوکهسیزلیک و سرحد تهلوکهسیزلیگی قروپلارینا لازیملی تعلیماتلارین وئریلدیگی بیلدیریلمیشدی.
ایلگیلیلی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقهسی ساخلاییب.