جمهورباشقانی اردوغان تورکیه-نین خاریجی سیاستینی دیرلندیردی
جمهورباشقانی اردوغان تورکیه-نین خاریجی سیاستینی دیرلندیردی، 2020-جی ایله اولان پلان‌لاردان دانیشدی.
جمهور باشقانی رجب طیب اردوغان لیبیا-داکی قانونی حکومتین آیاقدا قالماسی و ثابیتلیگین تامین ائدیلمه‌سی اوچون عسگر گؤندریلدیگینی بیلدیردی.
آنکارا بئش تپه میللت کنگره و مدنیت مرکزینده 2019-جو ایلین دیرلندیریلمه‌سی توپلانتی‌سیندا ایشتیراک و چیخیش ائدن اردوغان ایسرایل، یونانیستان و میصره ده اوستو اؤرتولو مئساژ گؤندریب.
تورکیه-نی آک دنیزینده اؤز ساحل‌لرینه حبس ائتمه‌یه قارشی بیر سناریونون حیاتا کئچیریلمه‌سینه چالیشیلدیغینی خاطیرلا‌دان اردوغان چیخیشیندا موضوع ایله باغلی بون‌لاری سؤیله‌ییب:
"اول قوزیی قیبریس تورک جمهوریتی، سونرا لیبیا ایله باغلادیغیمیز موقاویله‌لرله بو اویون‌لاری پوزدوق: تورکیه و لیبیا دنیز ساحل‌لری آراسیندا قالان بؤلگه‌ده هر ایکی اؤلکه‌نین تصدیقی اولما‌دان آختاریش-آراما و قازما ایشلری‌نین ائدیلمه‌سی و یا بورو خطی‌نین چکیلمه‌سی حقوقی جهت‌دن آرتیق مومکون دئییل. 2020-جی ایلده بو ساحه‌لرده ان سرعت‌لی شکیلده آختاریش-آراما و قازما فعالیت‌لرینه باشلاییریق".
لیبیا-داکی قانونی حکومتین آیاقدا قالماسی و ثابیتلیگین تامین اولونماسی اوچون بو اؤلکه‌یه تورکیه-دن عسگر گؤندریلدیگینه ده توخونان اردوغان بو سؤزلری دیله گتیریب:
"تورکیه تهلوکه‌سیزلیگی اوچون سرحدلری خاریجینده ده شعورلو، سیاسی، تیجاری، دیپلوماتیک، حربی و اینسانی هر ایمکانینی بو جوغرافیانین ثابت‌لیگی یولوندا سفربر ائده‌جک.
تورکیه سوریه و عراق بحران‌لاریندا دا هئچ بیر آیری-سئچکی‌لیک قویما‌دان بوتون مظلوم و ضرر چکمیش‌لره قاپی‌سینی آچدی.
سوریه بحرانینی سرحدلریمیزه سؤیکه‌ین ترور تشکیلات‌لارینی اؤلکه‌میزه گوندرمه سعی‌لری بیزی میداندا حقیقتا وار اولماغا یؤنلتدی. فراتین باتی سیندا ایجرا ائتدیگیمیز فرات قالخانی و زیتون بوداغی حرکاتلارییلا داعش-ین ایشیغینی سؤندوردوک. پ.ی.د اوزریندن قورولان اویون‌لاری پوزدوق. باریش چشمه‌سی حرکاتی ایله ایسه فراتین دوغوسوندا یارادیلماغا چالیشیلان ترور دهلیزینی پارچالادیق.
سوچی موقاویله‌سیله ادلیب-ده تخمینا دؤرد میلیون اینسانا تأثیر ائده‌جک بؤیوک بیر تراژدی نین قاباغینی آلدیق و بورادا دینجلیگین یئنی‌دن برپاسی اوچون سعی‌لریمیزی آرتیردیق.
قونشو عراق-ین دا تورپاق بوتؤو‌لوگونه اهمیت وئریریک، بو اؤلکه‌ده تورکمن قارداش‌لارین حاق و منفعت‌لرینی گؤزله‌یه‌رک.
2019 -جو ایلین ایلک آلتی آییندا تورکیه-نین بصره و موصول-دا باش کونسوللوق‌لاری یئنی‌دن فعالیته باشلادی. نجف و کرکوک-ده ده باش کونسوللوق‌لار آچماق فیکریندییک.
فیلیسطین-ده ایسه ایسرایل حکومتی‌نین حقوق تانیماز تجاوزلری قارشی‌سیندا قودس و فیلیسطین-ین قورورونو قوروماق نامینه موباریزنی داوام ائتدیرجییک.
قارشی‌داکی دؤورده تورکیه - آوروپا بیرلیگی علاقه‌لرینده ده بعضی یئنی‌لیک‌لرین اولاجاغی اومیدیندییک".
