تورکییه شدتله قینادی
"سوریهده بیر ترور دؤولتی قورماغا چالیشان فرانسانین اوغرادیغی خیالقیریقلیغی نتیجهسینده بو قراری آلدیغی چوخ یاخشی آیدین اولور"
تورکییه، فرانسا سناسی و اولوسال مجلیسینین باریش پیناری عملیاتی حاقیندا قبول ائتدیگی قرارلاری شدتله قینادی.
خاریجی ایشلر باخانلیغیندان وئریلهن یازیلی آچیقلامادا، "سوریهده بیر ترور دؤولتی قورماغا چالیشان فرانسانین اوغرادیغی خیالقیریقلیغی نتیجهسینده بو قراری آلدیغی چوخ یاخشی آیدین اولور" ایفادهلرینه یئر وئریلدی.
فرانسا پارلمانی و بو قرارلارا دستک وئرهن فرانسا حکومتینین، آتدیقلاری بو آددیملارلا، آوروپا بیرلیگی طرفیندن ده ترور هؤرگوتو اولاراق قبول ائدیلن پکاکانین سوریه قولو پید/یپگ ایله بیر صفده اولدوقلارینی بوتون دونیایا بیر دفعه داها اعلان ائتدیگینین بیلدیریلدیگی آچیقلامادا، "تروریستلرین ائلیزه ساراییندا ان اوست سویهده قبول گؤردویو بو اؤلکهنین پارلمانینین توتومو بیزیم اوچون تعجب وئریجی دئییل" دئییلدی.
ترور هؤرگوتو ایله ایلگیلی ائدیلهن اویاریلارین فرانسا طرفیندن دقته آلینمادیغینین دیله گتیریلدیگی آچیقلامادا، داها اؤنجه هر وسیله ایله ایفاده ائدیلدیگی اوزره باریش پیناری عملیاتینین اولوسلارآراسی حقوق اساسیندا، مشروع مدافعه حاقی و بیرلشمیش میللتلر تشکیلاتینین گوونلیک شوراسینین تروریزمله مباریزهیه دایر قرارلاری اساسیندا ایجرا ائدیلدیگی، عملیاتین مشروعیتینین، آمریکا بیرلشمیش دؤولتلری و روسیا ایله ائدیلهن سون آنلاشمالارلا دا تسجیل ائدیلدیگی بیلدیریلدی.
آچیقلامادا، "طرفیمیزدن ائدیلهن بوتون گیریشیم و آچیقلامالارا باخمایاراق فرانسا پارلمانینین گئرچکلرله اویوشمایان قرارلار قبول ائتمهسی، آنجاق تورکییهیه قارشی غرضلی و ساغدویودان یوخسون توتومویلا و فرانسانین سوریه قونوسوندا ایچینده اولدوغو چارهسیزلیکله ایضاح ائدیلهبیلر" ایفادهلری ایشلدیلدی.
"هئچ بیر اؤلکه داعش ایله مباریزهده تورکییهیه درس وئرهبیلمز" دئییلهن آچیقلامادا، داعش صفلرینده یئر آلان وطنداشلارینی گئری آلما قونوسوندا ایکیرجیکلی(قرارسیز) داورانان فرانسانین تورکییهیه ایتهام ورمایا هئچ بیر حاقینین اولمادیغی وورغولاندی.
آچیقلامادا، فرانسا پارلمانینی و حکومتینی، ترورلا مباریزهده تروریستلرین دئییل، ناتو و آوروپا متفیقلری تورکییهنین طرفینی توتماغا و تورکییه ایله دایانیشما گؤسترمهیه بیر دفعه داها دعوت ائدیریک" دئییلدی.