جمهور باشقانی اردوغان و دؤولت نمایندهلری آنیت قبیری زیارت ائتدیلر
تورکیه پرزیدنتی رجب طیب اردوغانین رهبرلیگیله یوکسک دؤولت مامورلاری و سیاسی پارتی نمایندهلری 29 اوکتبر جمهوریت بایرامی موناسیبتیله آنیت قبیری زیارت ائدیبلر.
29 اوکبتر تورکیه جمهوریت گونو 96-جی ایلینده بوتون اؤلکهده جوشغو ایله قئید اولونور.
تورکیه پرزیدنتی رجب طیب اردوغانین رهبرلیگیله یوکسک دؤولت مامورلاری و سیاسی پارتی نمایندهلری 29 اوکتبر جمهوریت بایرامی موناسیبتیله آنیت قبیری زیارت ائدیبلر.
خاطره دفترینه اردوغان بو سؤزلری یازیب:
"عزیز آتاتورک، بو گون خالق اولاراق بؤیوک بیر هیجان ایله جمهوریتیمیزین 96 یاشینی قئید ائدیریک. بو قورورلا ذاتی-عالیینیزی، ایستیقلال ساواشینین بوتون قهرمانلارینی، وطنیمیز اوغروندا بو گونه قدر جان وئرن عزیز شهیدلریمیزی رحمتله یاد ائدیر، غازی لریمیزه تشککورلریمیزی بیلدیریریک.
موستقیللیگیمیزه و میللی بقامیزا قارشی هوجوملارین آرتدیغی بوگونکو گونده ده قورتولوش ساواشیمیزی ظفره داشییان مقاومت روحو ایله اؤلکهنین ایچی و خاریجینده موباریزهمیزی قرارلی لیق ایله داوام ائتدیریریک.
9 اوکتبردا باشلادیغیمیز و قیسا مودتده چوخ جدی اوغورلارا ایمضا آتدیغیمیز "باریش چشمهسی" حرکاتی چرچیوهسینده سوریه ایله سرحدیمیز بویو قورولماق ایستنیلن ترور دهلیزینی داغیتما گوجوموزو بیر داها بوتون دونیایا گؤستردیک روحون شاد اولسون."
اردوغان بایرام آخشامی آنکارا جمهور باشقانلیغی ایقامتگاهی بئش تپه میللت کنگره و مدنیت مرکزینده تورکیه جمهوریت بایرامی مراسیمینه ائو صاحبلیگی ائدهجک.
تورکیه بؤیوک میللت مجلیسینین قارشیسیندا اورکستر کنسرتیندن سونرا اورادان تورکیه بویوک میللت مجلیسی-نین ایلک بیناسینا جمهوریت بایرامی کورتئژ یوروشو اولاجاق.