ایستانبول هاوا لیمانینداکی روبوت لار- واشنگتن پست آنلاتدی

امریکانین واشنگتن پست قزئتینده یئر آلان یازیدا ایستانبول هاوا لیمانیندا یولجولاری معلوماتلان‌دیران روبات‌لاردان بحث ائدیلدی.

واشنگتن پست قزئتینده پیتر هالی نین قلمه آلدیغی "ایستانبولون یئنی هاوا لیمانی دونیانین ان بؤیوک‌لرین‌دن بیری‌دیر. اینسانا اوخشار روبات لار یولجو لارا یول‌لارینی تاپماقدا کؤمک‌لیک گؤستریر" باش‌لیق‌لی مقاله درج ائتدی.

ایستانبول هاوا لیمانی‌نین امریکانین نیویورک شهری‌نین منهتن بؤلگه‌سیندن داها بؤیوک بیر ساحه‌ده تیکیلدیگینه و دونیانین ان فعال هاوا نقلیاتی مرکزلریندن بیری اولدوغونا ایشاره ائدیلن مقاله‌ده بو قدر بؤیوک ساحه‌ده یولجولارا  کؤمک‌لیک گؤسترمیین ده جدی مسئله اولدوغو وورغولانیب.

بو یئرده ایسه هاوا لیمانیندا اینسانا اوخشار روبات لاردان معلومات آلیندیغینا ایشاره ائدیلن مقاله‌ده "بوراسی اوچون خصوصی دیزاین ائدیلمیش تکرلی روبات‌لار تورکیه-ده کی هاوا لیمان‌لاریندا بیر ایلک‌دیر. کیچیک اوشاق بؤیوکلوگون‌دکی، آچیق گؤی رنگ‌لی روبات‌لار، یومرو گؤزلریله پارلاق بیر دیجیتال اوزه صاحیب دیر و حتی گولومسه‌مه قابیلیت‌لری وار" ایفاده‌لری ایشلدیلیب.

همین روبات‌لارین یولو گؤسترمه و اوچوش معلومات‌لاری ورمه کیمی قابیلیت‌لری اولدوغونون وورغولاندیغی مقاله‌ده "هاوا لیمان‌لاری‌نین بؤیوک‌لوگو و بورا‌لاردان ایستیفاده ائدن اینسان‌لارین سایی‌نین آرتماقدا داوام ائتدیگی بیر زاماندا روبات‌لار سیاحت‌لری داها آسان حالا گتیریر. تاماملاندیغی زامان ایستانبول هاوا لیمانیندا بیر ایلده 200 میلیون شخص سیاحت ائده بیله‌جک" معلوماتی یئر آلیب.