وطنداشلاری داشییان آراجا پکاکا سالدیریسی
بؤلوجو ترور هؤرگوتو پکاکالی تروریستلر طرفیندن ال یاپیمی پاتلاییجییلا ائدیلن سالدیریدا ۴ نفر شهید اولدو
دیاربکیرین قولپ ائلچهسی چؤلونده، اودون توپلاماغا گئدن وطنداشلاری داشییان آراج بؤلوجو ترور هؤرگوتو پکاکالی تروریستلر طرفیندن ال یاپیمی پاتلاییجییلا ائدیلن سالدیریدا ۴ نفر شهید اولدو، ۱۳ نفر یارالاندی.
یارالیلار، قولپ و دیارباکیرداکی موختلیف خستهخانالاردا معالیجه آلتینا آلیندی.
سالدیرینین سوچلولارینین معین ائدیلمهسی اوچون گوونلیک گوجلری چالیشما باشلاتدی.
منفور سالدیریدا شهید اولان وطنداشلارا اللهدان رحمت، یاخینلارینا و تورک میللتینه باشساغلیغی وئریلدی.
جمهورباشقانی رجب طیب اردوغان، دیارباکیر والیسی حسن بصری گوزلاوغلویلا تلفندا دانیشدی، ترور سالدیریسینا دایر بیلگی آلدی.
منفور ترور سالدیریسیندا شهید اولان وطنداشلارا اللهدان رحمت، یارالانان وطنداشلارا دا عاجل شفالار دیلهین پرزیدنت اردوغان، ترور حادثهسینین سوچلولارینین توتولماسی اوچون بوتون ایمکانلارین سفربر ائدیلهجگینی و قونونون تعقیبچیسی اولاجاغینی ایفاده ائتدی.
اردوغان شهید یاخینلارینی تلفنلا آرایاراق باشساغلیغی وئردی.
تورکییه بؤیوک میللت مجلسینین باشقانی مصطفی شنتوپ ایسه ترور سالدیریسی ایله باغلی سوسیال مئدیا تویتر حسابیندان آچیقلاما وئردی.
شنتوپ، وطنداشلاری هدف آلان بو قانلی سالدیرینین اصلا قارشیلیقسیز قالمایاجاغینی بیلدیردی.
جمهوریت خالق پارتیس باشقانی کمال قیلیچداراوغلو تویتر حسابیندان دیارباکیردا باش وئرهن ترور سالدیریسینی قینادی.