تورک هاوا یوللارینا بئش اولدوز
تورک هاوا یوللاری اوست اوسته اوچونجو دفعه بئش اولدوز اورتالاماسی ایله اؤدوللندیریلدی
تورک هاوا یوللاری (ت.ه.ی) دونیانین ان گوونلی و ساییغین هاواچیلیق تشکیلاتلارین‌دان بیری کیمی قبول ائدیله‌ن آپکس (هاوا یوللاری یولچو تجروبه‌سی درنگی) طرفین‌دن "۲۰۲۰ ایلینین بئش اولدوزلو قلوبال هاوا یولو" سئچیلدی.
قلوبال سیاحت متخصصلری، آرکس رسمی هاوا یولو دگرلندیرمه‌لرینین آچیقلاندیغی آپکس-ایفسا اؤدوللری اوچون ۹ سپتامبردا، آمریکا بیرلشمیش دؤولتلرینین لوس آنجلس شهرین‌ده‌کی کنگره مرکزین‌ده بیر آرایا گلدی.
یولچولار، بو دگرلندیرمه‌ده، ژوئیه ۲۰۱۸ ایله ژوئن ۲۰۱۹ آراسیندا، دونیا میقیاسین‌دا تخمیناً ۶۰۰ هاوا یولو شیرکتینین بیر میلیونون اوزرین‌ده اوچوشونا پوئن وئره‌رک، ۲۰۲۰.جی ایلین اولدوزلارینی سئچدی.
هاوا یولو شیرکتلری اوتوراجاق راحت‌لیغی، کابین سرویسی، یئیه‌جک و ایچه‌جک، ایله‌نجه و وای-فای کاتگوریلرین‌ده بئش اولدوز اوزرین‌دن دگرلندیریلدی. دگرلندیرمه نتیجه‌سین‌ده بایراق داشیییجی تورک هاوا یوللاری اوست اوسته اوچونجو دفعه بئش اولدوز اورتالاماسی ایله اؤدوللندیریلدی.
