اردوغان، ۵.جی نسیل اوچاقلاری اینجهلهدی
اردوغان و پوتین، سرگی ساحهسینده اوچاق و هلیکوپترلرین گؤستریسینی ایزلهدی
جمهورباشقانی رجب طیب اردوغان، روسیانین اۆرتدیگی ۵.جی نسیل ساواش اوچاقلارینی و هلیکوپترلرینی اینجهلهدی.
اردوغانلا روسیا پرزیدنتی پوتین، باشکند موسکوادا تشکیل اولونان ماکس-۲۰۱۹ اولوسلارآراسی هاواچیلیق و اوزای سرگیسینی گزدی و اینجهلهمهلر ائتدی.
پرزیدنت اردوغان، بیر گونلوک چالیشما سفری چرچیوهسینده سحر ساعاتلاریندا روسیانین باشکندی موسکوایا گئتدی.
اردوغان، ژوکووسکی اولوسلارآراسی هاوا لیمانیندا روسیا خاریجی ایشلر باخانلیغی مقاملاری، تورکییهنین موسکواداکی ائلچیسی محمد سامسار ایله دیگر مقاملار طرفیندن قارشیلاندی.
ماکس-۲۰۱۹ اولوسلارآراسی هاواچیلیق و اوزای سرگیسینین آچیلیش مراسیمینه قاتیلان پوتین و اردوغان، بورادا آیری آیری چیخیش ائتدی.
چیخیشلارین آردیندان پوتین ایله بیرلیکده سرگی ساحهسیندهکی غرفهلری گزهن اردوغان، آرالاریندا ۵.جی نسیل روس ساواش اوچاغی سو-۵۷نین ده اولدوغو اوچاق و هلیکوپترلر حاقیندا بیلگی آلدی.
اردوغان و پوتین، سرگی ساحهسینده اوچاق و هلیکوپترلرین گؤستریسینی ده ایزلهدی.