جمهور باشقانی اردوغان امام اوغلونو تبریک ائتدی
تورکیه پرزیدنتی رجب طیب اردوغان ایستانبول بؤیوکشهر بلدیه صدرلیگی یئنیلمه سئچکی نتیجهلرینین ایستانبول اوچون خیرلره وسیله اولماسینی دیلهیهرک سئچکینی قازانان اکرم امام اوغلونو تبریک ائدیب.
تورکیه پرزیدنتی، عدالت و اینکیشاف پارتیسینین (آک پارتی) صدری رجب طیب اردوغان ایستانبول بؤیوکشهر بلدیه صدرلیگی یئنیلمه سئچکی نتیجهلرینین ایستانبول اوچون خیرلره وسیله اولماسینی دیلهیهرک سئچکینی قازانان اکرم امام اوغلونو تبریک ائدیب.
تویتر حسابیندان ایستانبول شهرینین یئنی بلدیه صدرینی تبریک ائدن رجب طیب اردوغان دئییب:
"ایستانبول بؤیوکشهر بلدیه صدرلیگی یئنیلمه سئچکی نتیجهلرینین ایستانبولوموز اوچون خیرلره وسیله اولماسینی آرزولاییرام. میللی ایراده بو گون بیر داها اورتایا چیخدی. غیری-رسمی نتیجهلره گؤره، سئچکینی قازانان اکرم امام اوغلونو تبریک ائدیرم.
بوندان اول اولدوغو کیمی سونرا دا دموکراسی، حقوقون عالیلیگی، اؤلکهنین باریش، رفاه و ثابتلیگینی هئچ نیه گذشته وئرمهدن جمهور اتفاقینین پرینسیپلری چرچیوهسینده، بیرلیک و برابرلیک ایچینده 2023 هدفلرینه گئدجییک.
ژوئن آیی نین سونوندا کئچیریلهجک گ-20، چین سفری ، گونئی آوروپا و بالکان ذیروه توپلانتیلاری باشدا اولماقلا، تورکیه-نین قارشیسینداکی بوتون داخیلی و خاریجی مسئلهلره میللی ماراقلاریمیز اساسیندا دقیقلیکله رعایته داوام ائدجییک".