اردوغان: "ایستانبول سئچیجی‌سی ایستانبول اوچون ان دوزگون قراری وئره‌جک"
جمهور باشقانی اردوغان خانیمی امینه اردوغان، خزینه و مالیه ناظیری برات آلبایراق و خانیمی عصرا آلبایراق ایله بیرلیکده سس وئررکن: "ایستانبول سئچیجی‌سی ایستانبول اوچون ان دوزگون قراری وئره‌جک‌دیر" دئیه دانیشدی.
ایستانبول خالقی 5 ایل بویو فعالیت گؤستره‌جک بؤیوکشهر بلدیه صدرینی سئچمک اوچون سس وئریر.
سئچکی‌لرده عدالت و اینکیشاف پارتیسی ایله میللیتچی حرکات پارتیسی‌نین (جمهور اتفاقی) نامیزدی بینعلی ییلدیریم، جمهوریت خالق پارتیسی ایله اییی پارتی‌نین (میللت اتفاقی) نامیزدی اکرم امام اوغلو، سعادت پارتیسی‌نین نامیزدی نجدت گؤکچینار و وطن پارتیسی‌نین نامیزدی مصطفی ایلک‌ار یۆجل موباریزه آپارا‌جاق‌لار.
جمهور باشقانی رجب طیب اردوغان اوسکودار کیسیکلی-دا سس وئردی.
اردوغان خانیمی امینه اردوغان، خزینه و مالیه ناظیری برات آلبایراق و خانیمی عصرا آلبایراق ایله بیرلیکده سس وئررکن: "ایستانبول سئچیجی‌سی ایستانبول اوچون ان دوزگون قراری وئره‌جک‌دیر" دئیه دانیشدی.
تورکیه بؤیوک میللت مجلیسینین صدری مصطفی شنتوپ دا اوسکودار سئچکی منطقه‌سینده سس وئره‌رک: "اؤلکه‌میز، میللتیمیز اوچون خیرلی اولسون" دئدی.
ایچ ایشلر ناظیری سلیمان سویلو ایسه قازی عثمان پاشا-دا سس وئره‌رک: "تورکیه بیر طرف‌دن سئچکی‌لره گئدیر، دیگر طرف‌دن ترورلا موباریزنی اوغورلا داوام ائتدیریر" دئدی.
اییی پارتی‌نین صدری مارال آکشنر بیلربیی سئچکی منطقه‌سینده سس وئره‌رک: "خیرلی اولسون" دئدی.
جمهور اتفاقی‌نین نامیزدی بینعالی ییلدیریم ایسه حیات یولداشی ایله بیرلیکده توزلادا سس وئردی.
ییلدیریم: "خالقین وئردیگی قرارین باشیمیز اوستونده یئری وار" ایفاده‌لرینی ایشلتدی.
میللت اتفاقی‌نین نامیزدی اکرم امام اوغلو دا خانیمی و اوغلو ایله بیرلیکده بیلیک دوزونده سس وئردی.
امام اوغلو:"دموکراسیمیز آدینا، ایستانبولوموز اوچون، اؤلکه‌میزین گله‌جک‌دکی بوتون سئچکی‌لری‌نین لئگیتیم‌لیگی آدینا خالقیمیز ان دوغرو قراری وئره‌جک‌دیر" دئدی.
