یاووز، آغدنیزه گئدیر
"آدانین تامامینی ماراقلاندیران هئچ بیر قونودا قرار آلابیلمز، سؤز صاحبی ده اولابیلمز"
دوغو آغدنیزده فاتح سونداژ گمیسی نفت و طبیعی گاز آختارما فعالیتلرینه داوام ائدرکن قوجاائلی دیلاوواسی ائلچهسینده بیر لیماندا بیر مدتدیر دمیرلهین یاووز سونداژ گمیسی بو گون نفت و طبیعی گاز آختارما ایشلرینه باشلاماق اوچون یولا چیخدی.
انرژی و طبیعی قایناقلار باخانی فاتح دؤنمز، یاووز سونداژ گمیسی یولا سالما پروگرامینا قاتیلدی.
پروگرامدا دانیشان باخان دؤنمز،
"قیبریس روم کسیمی آدانین تامامینی ماراقلاندیران هئچ بیر قونودا قرار آلابیلمز، سؤز صاحبی ده اولابیلمز" دئدی.
خزانه و مالیه باخانی برات آلبایراق دا، یولا چیخان یاووز سونداژ گمیسی ایله باغلی آچیقلاما وئردی.
باخان آلبایراق، سوسیال پایلاشیم سایتی تویتردهکی حسابیندان یاییملادیغی مئساژیندا،
"اؤلکهمیزین و میللتیمیزین چیخارلاری اوچون لازیم اولان بوتون آددیملاری آتماغا داوام ائدیریک. فاتحدن سونرا ایکینجی آختاراما-سونداژ گمیمیز یاووز دا بو گون آغدنیزه گئدیر" دئدی.
یاووز، تورکییهنین فاتحدن سونراکی ایکینجی درین دنیز سونداژ گمیسی.
دونیادا بو گمیدن ۱۶ دنه وار، ایکیسی تورکییهنین.
۱۲ مین ۲۰۰ متره قدر سونداژ ائدهبیلمک قابیلیتی اولان گمینین اوزونلوغو ۲۲۹،۶ متر، ۳۶ متر گئنیشلیکده،۱۳۰ متر سونداژ قورغوسو اوزونلوغونا صاحب.
یاووز یاشاییش ساحهلری ایله ده چالیشانلارا راحتلیق سونور.
گمینین ایچریسینده سینما سالونو، ایدمان سالونو و استراحت اوتاقلاری و ۴ یاتاقلی مینی بیر خستهخانا ایله تام زامانلی بیر حکیم وار.
گمی داها اؤنجه تانزانیا، کنیا، مالزی، فیلیپین باشدا اولماق اوزره مختلیف اؤلکهلرده وظیفه آلدی.
گمیده "دینامیک پوزیشنینگ" سیستمی مؤوجود. ۶ متره قدر اولان دالغالاردا سونداژ پروبلئمسیز داوام ائدهبیلر. تکنیکی اؤزللیکلر اولاراق فاتح سونداژ گمیسی ایله عینی اؤزللیکلره صاحب.