اردوغان تاجیکستاندا

جمهورباشقانی رجب طیب اردوغان آسییادا امکداش‌لیق و گوون آرتدیریجی تدبیرلر کنفرانسی ۵.جی دؤولت و حکومت باشقانلاری ذیروه‌سینه ایشتیراک ائتمک اوچون تاجیکیستانین باشکندی دوشنبه‌یه گئتدی.

پرزیدنت اردوغانی، دوشنبه اولوسلارآراسی هاوا لیمانینا ائنیشین‌ده، تاجیکیستان میلی مجلیس باشقانی محمدسعید عبادالله‌یئو، تاجیکیستان خاریجی ایشلری باخانی یاردیمچیسی خسرو نوزیری، دوشنبه بلدیه باشقانی بیرینجی یاردیمچیسی محمدزاید زوایدزودا و تورکییه‌نین دوشنبه ائلچیسی علی رفعت کؤکسال ایله دیگر یئتکیلیلر قارشیلادی.

اردوغان ایله خانیمی امینه اردوغان، خاریجی ایشلر باخانی مؤولود چاووش‌اوغلو، خزانه و مالیه باخانی برات آلبایراق، میلی ساوونما باخانی خولوصی آخار، جمهورباشقانلیغی ایله‌تیشیم باشقانی پروفسور دکتر فخرالدین آلتون و جمهورباشقانلیغی سؤزچوسو ابراهیم قالین دا تاجیکیستانا گئتدی.

پرزیدنت اردوغان، تاجیکیستان پرزیدنتی امامعلی رحمان ایله جمهورباشقانلیغی سارایین‌دا بیر آرایا گله‌جک.

آسییادا امکداش‌لیق و گوو‌ن آرتتیریجی تدبیرلر کنفرانسی ۵.جی ذیروه‌سین‌ده ایشتیراک ائد‌جک اردوغان، بورادا عائله فوتوگرافی چکیمینه قاتیلاجاق، پرزیدنت امامعلی رحمانین ایشتیراک‌چیلار شرفینه وئرجیی ضیافتده اولاجاق.

پرزیدنت اردوغانین، تاجیکیستان‌داکی ذیروه‌یه قاتیلان اؤلکه لیدئرلری ایله ایکی‌لی گؤروشمه‌لر گئچیرمه‌سی گؤزلنیلیر.