تورکیه هئیتی آمریکادا بیر چوخ کونگره عضوویله بیر آرایا گلدی
تماسلارینی بو گون ده داوام ائتدیرهجک اولان هئیت، کونگره عضولرینین یانیندا بیر چوخ سیویل و مطبوعات قورولوشو نمایندهلری ایله بیر آرایا گلهجک
تورکیه خاریجی ایشلر ناظیرینین معاوینی یاووز سلیم کیران، تورکیه ایله آمریکا آراسیندا ایکیطرفلی علاقهلری اله آلماق اوچون برابریندکی هئیتله آمریکانین باشکندی واشینگتوندا بیر چوخ کونگره عضوویله بیر آرایا گلدی.
پرزیدنتلیک ایرتیباطات باشقانلیغی طرفیندن آمریکا کونگرهسینده تشکیل ائدیلن "تورک-آمریکان علاقهلری: اورتاق کؤکن، یئنی ویزیون" فعالیتینه قاتیلماق اوچون واشینگتوندا اولان ناظیر معاوینی کیران و برابریندکی هئیت، شمالی کارولینا سناتورو جمهوریتچیلر تام تیللیس، فلوریدا نمایندهسی جمهوریتچی فرانسیس رونی، میسی سسیپی نمایندهسی جمهوریتچی ترنت کئلی و تنئسی نمایندهسی جمهوریتچی تیم بورچت ایله آیری-آیری گؤروشدو.
دیپلوماتیک منبعلردن الده ائدیلن معلوماتلارا گؤره، دانیشیقلاردا ایکیطرفلی علاقهلرین یانیندا تورکیهنین روسیادان اس-400 هاوا ساوونما سیستمی آلیشی، سوریهده اعتبارلی بؤلگه اینشاسی، ترورلا موباریزهده امکداشلیق و دیگر منطقهسل موضوعلار موذاکیره ائدیلیب.
آیریجا گؤروشمهده، فتح اللهجی ترور تشکیلاتی چتهباشی فتح الله گولن و قایتاریلماسی ایستنن دیگر فتح اللهجی ترور تشکیلاتی عضولرینه باغلی مدت و تورکیهنین بو موضوعداکی گؤزلمهلرینین اله آلیندیغی قئید ائدیلدی.
تماسلارینی بو گون ده داوام ائتدیرهجک اولان هئیت، کونگره عضولرینین یانیندا بیر چوخ سیویل و مطبوعات قورولوشو نمایندهلری ایله بیر آرایا گلهجک.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی