ایستانبول بلدیه باشقانی بللی اولدو
"حؤکموموزو ۱۶ میلیون اینسانیمیز آدینا تحویل آلدیم"
ایستانبول‌دا ۲ هفته‌نین آردین‌دان ایستانبول بؤیوک‌شهر بلدیه باشقانی بللی اولدو.
جمهوریت خالق پارتیسینین نامیزدی اکر‌م ایمام‌اوغلو، ایستانبول بؤیوک‌شهر بلدیه باشقانی اولدو.
۳۱ مارس‌دا ائدیلن سئچیملردن سونرا عدالت و قالخینما پارتیسینین اعتراضلاری واردی.
بعضی ائلچه‌لرده سسلر یئنی‌دن ساییلدی.
اوی توتاناقلارینا گؤره؛ اکر‌م ایمام‌اوغلو ۴ میلیون ۱۶۹ مین ۷۶۵؛ آک پارتینین نامیزدی بینعلی ییلدیریم ایسه ۴ میلیون ۱۵۶ مین ۰۳۶ سس آلدی.
نتیجه‌نین یوکسک سئچیم کمیسیونو سیستمینه گیریلمه‌سیندن سونرا ایمام‌اوغلو، ائل سئچیم قورولوندان ایستانبول شهرینین بلدیه باشقانلیغی حؤکمونو آلدی.
اکر‌م ایمام‌اوغلو داها سونرا دا ساراچ خاناداکی ایستانبول بؤیوک‌شهر بلدیه باشقانی بیناسین‌دا وظیفه‌نی مؤولود اویسالدان تحویل آلدی.
ایمام‌اوغلوبئله دئدی:
"حؤکموموزو آلدیق، چوخ شرف دویورام، موتلویام، غرورلویام. ۱۶ میلیون اینسانیمیز آدینا تحویل آلدیم. بو شهرین احتیاجلارینی بیلیریک. بو شهرده یاشایان هر کسین طلبلرینی بیلیریک و خیدمت ائتمه‌یه تئز، سرعت‌له باشلایاجاییق".
