تورکیه‌نین دیگر ایکی اف-35 اوچاغی تحویل وئریلیر

امریکا مودافعه ناظیرلیگی (پنتاگون) تورکیه‌یه مخصوص بیر اف-35 طیاره‌سی‌نین تحویل وئریله‌رک تعلیم اوچون لوکه هاوا بازاسینا گؤندریلدیگینی، دیگر طیاره‌نین ایسه بو گون گؤندریله‌جگینی آچیقلادی.

موضوع ایله علاقه‌دار "آنادولو" خبر آژانسینا آچیقلاما وئرن پنتاگون سؤزچوسو اریک پاهون "تورکیه‌دن پیلوت‌لارین تعلیم‌لریله باغلی هر هانسی دییشیک‌لیک یوخ‌دور. تعلیم‌لر داوام ائده‌جک" دئییب.

بونونلا دا تورکیه-‌نین مولکیتینه کچن اف-35 طیاره‌لری‌نین سایی 4-ا چیخدی. داها اول تورکیه‌نین مولکیتینه کچن 2 اف-35 طیاره‌سیله علاقه‌لی تعلیم پروسه‌نین آریزونا‌داکی لوکه هاوا بازاسیندا داوام ائدیر.

لوکه هاوا بازاسینداکی تعلیم سوره جی 1-2 ایل آراسیندا داوام ائدیر.

پنتاگون سؤزچوسو چارلز سومرس ده گون عرضینده پنتاگون-دا تشکیل ائتدیگی مطبوعات کنفرانسیندا تورکیه‌دن پیلوت‌لارین لوکه هاوا بازاسیندا اف-35 تعلیم‌لری‌نین داوام ائدجگینی آچیقلامیشدی.