ایستانبول-بانجول سفرلری باشلادی

تورکیه هاوا یول‌لاری گامبیانین پایتاختی بانجولا منتظم اوچوشلار حیاتا کئچیرمه‌یه باشلادی.

معلوماتی تورکیه هاوا یول‌لاری-نین مطبوعات مرکزی یایدی.

تورکیه هاوا یول‌لاری گامبیانین پایتاختی بانجولا باشلادیغی اوچوشلار ایله افریقا قاره سینده ان چوخ اوچوش ایستیقامت‌لری اولان هاوا یولو کیمی لیدرلیگینی داوام ائتدیریر.

بانجول سفرلری داکار-دان ترانزیتله هفته‌ده ایکی دفعه حیاتا کئچیریله‌جک.

گامبیانین پایتاختی و عینی زاماندا، اهمیت‌لی بیر لیمان شهری اولان بانجول باتی افریقا-دا اطلس اقیانوسونون ساحلینده یئرلشیر.

تورک هاوا یول لاری بانجول سفرلری ایله افریقا-دا اوچدوغو ایستیقامت سایینی 54-ا یوکسلده‌رک، بو قاره ده کی موجودلوغونو گوجلندیریدی.

بئله‌لیکله، شیرکت اوچدوغو اؤلکه سایینی 123-ا، ایستیقامت سایینی ایسه 305-ا چیخاردی.

بانجول خطی‌نین آچیلیش مراسیمینده چیخیش ائدن تورک هاوا یول لارینین 2-جی بؤلگه ساتیش باشقانی کرم سارپ اورتا و اوزون موددت‌لی پرسپکتیوده افریقانین دونیا توریزمی و تیجارتینده اهمیتی‌نین آرتاجاغینا ایناندیق‌لارینی، بو پوتنسیالا سرمایه قویماغا داوام ائده‌جک‌لرینی بیلدیردی.

تورک هاوا یول لاری ایله ایستانبول-بانجول سفرینین گئری قاییدیش حاقی 548،2 دو‌لاردان، بانجول- ایستانبول گئری قاییدیش حاقی 649،2 دو‌لاردان باشلایا‌جاق.