تورکیه-دن بمت-یه رفروم چاغیریشی
تورکیه‌نین بمت-دکی دایمی نماینده‌سی فریدون سینیرلی اوغلو اصلاحاتا اولان احتیاجا دقت چکدی، عضو اؤلکه‌لره اصلاحات‌لار اوچون مراجعت ائتدی.
جمهور باشقانی رجب طیب اردوغانین بیرلشمیش میللت‌لر تشکیلاتی‌نین یاپی سینا و فعالیتینده اصلاحات‌لارین آپاریلماسی ایله باغلی چاغیریش‌لاری بیر داها تورکیه طرفیندن بمت کورسوسونده سسلندیریلدی.
تورکیه‌نین بمت-دکی دایمی نماینده‌سی فریدون سینیرلی اوغلو اصلاحاتا اولان احتیاجا دقت چکدی، عضو اؤلکه‌لره اصلاحات‌لار اوچون مراجعت ائتدی.
جمهور باشقانی اردوغان بمت-نین یاپی سیندا دییشیک‌لیک ائدیلمه‌سی لازیم اولدوغونو وورغولامیش، 5 دایمی عضوون وتو صلاحیتی‌نین عدالت‌سیزلیک‌لره یول آچدیغینا دقت چکمیشدی.
تورکیه بمت تهلوکه‌سیزلیک شوراسیندا عدالت‌لی تمثیل و عضو سایی‌نین آرتیریلماسی مسئله سینی بیر داها گوندمه گتیردی.
تورکیه-نین بمت دایمی نماینده‌سی فریدون سینیرلی اوغلو: "بمت تهلوکه‌سیزلیک شوراسی‌نین اصلاحاتی اوچون سعی گؤسترملیگیک" دئدی.
عضو اؤلکه‌لری اصلاحات پروسه سینی آسانلاشدیرماغا یؤنه‌لن سیاسی ایراده و چئویک‌لیک گؤسترمه‌یه چاغیران سینیرلی اوغلو، میللی ماراق‌لارین، اورتاق منفعت‌لرین ایلک پلاندا توتولماسی‌نین اهمیتینی وورغولادی.
سینیرلی اوغلو اصلاحات‌لار ایستیقامتینده تکلیف‌لر وئردی، عضو اؤلکه‌لرین فعالیت‌لری اساسیندا پریودیک سئچیمی‌نین تهلوکه‌سیزلیک شوراسی‌نین داها حساب وئریجی بیر اورقانا چئویرجگینی دیله گتیردی.
خاطیرلاداق کی، بمت تهلوکه‌سیزلیک شوراسیندا 50-ی دایمی و 10-و موقتی اولماق عذره جمعی 15 عضو اؤلکه واردیر.
امریکا، بؤیوک بریتانیا، روسیا، چین و فرانسا شورانین دایمی عضو‌لری‌دیر.
قرارلار 5 دایمی عضوون راضی‌لیغی اساسیندا قبول اولونا بیلیر. بیر عضوون بئله وتو حقوقون‌دان ایستیفاده ائتمه‌سی قرارین رد ائدیلمه‌سینه سبب اولور.
