اینگیلتره و امریکا وطنداشلارینا 6 ایل حبس وئریلدی

تورکیه‌-نین کیلیس شهرینده ترور تشکیلاتی داعش عضوو اولدوق‌لاری اوچون محاکمه ائدیلن، آرا‌لاریندا اینگیلیس استفان ساموئل آریستیدو ایله امریکالی کری پاول کلمانین دا اولدوغو 6 خاریجی متهمین هر بیرینه 6 ایل 3 آی حبس جزاسی وئریلیب.

کیلیس آغیر جزا محکمه‌سینده محبوس‌لارین وکیل‌لری ده ایشتیراک ائدیب.

متهیم کلمان اؤز مودافعه‌سی زامانی اتهام لاری قبول ائتمه‌ییب، 2015-جی ایلده حیات یولداشی‌نین قوهوم‌لاری‌نین دعوتیله سوریه-یه گئتدیگینی، اورادا ترور تشکیلاتی داعش عضو‌لری طرفیندن یاخالاندیغی اوچون تورکیه-‌یه دؤنه بیلمه‌دیگینی دئییب: "سوریه-ده اولدوغوم مودتده هر هانسی سلاح‌لی تعلیم و هوجوما قوشولمادیم. داعش ایله علاقم یوخ‌دور. من داعشا قاتیلماق اوچون سوریه-یه گئتمدیم، بو اؤلکه‌ده اونلار طرفیندن توتولدوم. تورکیه-‌دن چیخماغیما چوخ پئشمانام".

اینگیلتره وطنداشی متهم آرستیدو دا حاقینداکی اتهام‌لاری قبول ائتمه‌یه‌رک مودافعه‌سینی یازی‌لی اولا‌راق وئریب.

محکمه هئیتی متهیم استفان ساموئل آریستیدو، کری پاول کلئمان، کولسومو بگوم، نابیله عبدالحمید، فاطمه بتول الشهابی و رهاب عبدالله محمد ابراهیمی "سلاح‌لی ترور تشکیلاتینا عضو اولماق" ماده‌سیله 6 ایل 3 آی حبس جزاسینا محکوم ائدیب.

قئید ائدک کی، متهم لر کیلیس-ده کی سوریه سرحد خطینده 2017-جی ایلین 20 آوریلیینده یاخالانیب.