مولود چاووش اوغلو آوروپا سیاستچیلره خبردارلیق ائتدی
خاریجی ایشلر ناظیری مولود چاووش اوغلو بمت تهلوکه‌سیزلیک شوراسی‌نین ایجلاسیندا ائتدیگی چیخیشدا "داعش، القاعده، پ.کا.کا، ی.پ.گ و فتو کیمی ترور تشکیلات‌لاری قادین‌لار، اوشاق‌لار و گنج‌لردن سوء-ایستیفاده ائدیر" دئییب.
خاریجی ایشلر ناظیری مولود چاووش اوغلو بمت تهلوکه‌سیزلیک شوراسی‌نین ایجلاسیندا ائتدیگی چیخیشدا "داعش، القاعده، پ.کا.کا، ی.پ.گ و فتو کیمی ترور تشکیلات‌لاری قادین‌لار، اوشاق‌لار و گنج‌لردن سوء-ایستیفاده ائدیر" دئییب.
خاریجی ایشلر ناظیری مولود چاووش اوغلو "گنج‌لیک، باریش و تهلوکه‌سیزلیک" موضوعلو ایجلاسدا ائتدیگی چیخیشینا 23 آوریل میللی حاکمیت و اوشاق بایرامی ایله علاقه‌لی تبریک سؤزلریله باشلاییب و دونیانین اورتاق گلجگی اولان گنج‌لرین تأسف کی، دونیانین موختلیف یئرلرینده رادیکالیزمین و ترور تشکیلات‌لاری‌نین هدفینده اولدوغونو سؤیله‌ییب.
ترورا قارشی بوتون اؤلکه‌لرین بیرگه جهد گؤسترمه‌سی‌نین واجیب‌لیگینه توخونان ناظیر بیلدیریب کی، تورکیه‌ده اها‌لی‌نین یاری‌سی گنج‌دیر. بون‌دان علاوه تورکیه بیر میلیون سوریه-لی گنجی قوناق ائدیر. اؤلکه‌ده گنج‌لرین احتیاج‌لاری اوچون خصوصی اساس‌لار قبول ائدیلدی. گنج‌لریمیزین تحصیل و ایشله تامین ائدیلمه‌لری اوچون جهدلریمیز داوام ائدیر.
گنج‌لرین باریش و تهلوکه‌سیزلیک‌دکی رولو باره‌ده قرار وئرن‌لرین و سیاسی خادیم‌لرین بؤیوک مسئولیتی‌نین اولدوغونو وورغولایان خاریجی ایشلر ناظیری مولود چاووش اوغلو "باتی آوروپادا ایفراچلیغین آرتماسی‌نین بیر سببی ده بعضی سیاسی خادیم‌لرین ایستیفاده ائتدیگی بولوجو دیل‌دیر. بو یاناشما خالقین دین و ائتنیک کؤکه اساس‌لی مرکزده آیری-سئچکی‌لییه سبب اولور. بو تهلوکه‌لی بیر اویون‌دور، ایمتینا ائدیلمه‌لی‌دیر.
دونیا باریشی و تهلوکسیزلیگینده گنج‌لرین رولونون بؤیوک اهمیت داشیدیغینی قئید ائدن چاووش اوغلو اولوسلار آراسی ایجتیمایتین و تورکیه ایله ایسپانیانین برابر حقوق‌لو صدرلیگینی ائتدیگی مدنیت‌لر بیرلیگی کیمی تشکیلات‌لارین دا گنج‌لرین باریش و تهلوکه‌سیزلیک سیاست‌لرینده رول اویناماسینا تحفه وئره بیله جگینی سؤیله‌ییب
