تلفنونون شیفره‌سینی روس متخصصلر ده قیراممادی
روس ائلچی کارلوو سوءقصدینین فاعلی مؤولود مرد آلتینتاش، پلیسین ائتدیگی آتیش نتیجه‌سین‌ده اؤلدورولموشدو
روسیانین تورکیه‌ده‌کی ائلچیسی آندرئی کارلوو سوءقصدی ایله باغلی سوروشدورما چرچیوه‌سین‌ده، سوءقصدین فاعلی مؤولود مرت آلتینتاش‌ین جیب تلفنونون شیفره‌سینی روس هیات‌ده‌کی متخصصلر ده قیراممادی.
سوروشدورما چرچیوه‌سین‌ده آنکارایا گلن روس هیات‌ده اولان اوزمانلار، سوروشدورما آپاران آنکارا جمهوریت ساوجیسی ایله گؤروشدو.
ساوجینین حضورون‌دا سوءقصدین فاعلی چئویک قوت شعبه مودورلوگونده وظیفه‌لی پلیس مؤولود مرت آلتینتاشا عاید تلفونون شیفره‌سینی قیرماغا چالیشان متخصصلر، بوتون چابالارینا باخمایاراق، تلفونو آچاممادی.
آنکارا جمهوریت باش ساوجیلیغینین، تلفنون آچیلماسی اوچون خاریجی بیر فیرمایلا تماسا گئچدیگی، فیرمانین یئتکیلیلرینین آوریل آیین‌دا آنکارایا گله‌جکلری اؤیرنیلدی.
روسیانین تورکیه‌ده‌کی ائلچیسی کارلوو، ۱۹ دسامبردا آنکارادا قاتیلدیغی بیر سرگیده اوغرادیغی سلاح‌لی سالدیری نتیجه‌سین‌ده حیاتینی ایتیرمیشدی.
کارلوو سوءقصدینین فاعلی مؤولود مرد آلتینتاش، پلیسین ائتدیگی آتیش نتیجه‌سین‌ده اؤلدورولموشدو.
جینایتله باغلی آرالارین‌دا گورو مئدیا یایین قروپو باشقانی خیرالدین آیدین‌باش و سرگینین تشکیلات‌چی‌لیغینی ائد‌ن مصطفی تیمور اؤزکانین دا آرالارین‌دا اولدوغو اوچو پلیس ۷ نفر توتوقلانمیشدی.
ایلگیلی‌لی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
