تروریستین یالانی اورتایا چیخدی
تورکیهده ترور سوچلاریندن آختارانلارین یئر آلدیغی قیرمیزی لیستهده اولان مسلم اوچون، دؤرد میلیون لیرالیق اؤدول قویولدو
بؤلوجو ترور هؤرگوتو پ.ی.د/پکاکانین چتهباشیلاریندان صالح مسلم، تورک سلاحلی گوجلرینین عفرین بؤلگهسینده ترور هدفلرینه قارشی باشلادیلان زیتون بوداغی عملیاتینی قارالاماق اوچون، داها اول سوسیال مئدیا حسابیندان پایلاشدیغی یالانلارا دایالی تبلیغاتینی، آوروپا بیرلیگینین باشکندی بروکسلده ده داوام ائتدیردی.
مسلم، بروکسل مطبوعات کلوبوندا دوزنلهدیگی مطبوعات توپلانتیسیندا، "تورکیهنین عفرینده وطنداشلاری هدف آلدیغی" یالانینی تئز تئز تکرار ائدرکن، سونومو ائدیلدیگی پانئله وطنداشلارین قاچارکن گؤرونتولندیگی بیر شکیل یانسیدی.
آنجاق فوتوگرافین اسد رژیمینین ۸ فوریهده دوغو گوتاداکی هاوا سالدیریسیندان قاچان وطنداشلارا عاید اولدوغو و فرانسا خبر آژانسی آفپ طرفیندن سرویس ائدیلدیگی اورتایا چیخدی.
خاریجی مطبوعاتین او قدر ده ماراق گؤسترمدیگی توپلانتیدا ایشتیراک ائدنلرین بؤیوک قیسمینی ده بؤلوجو ترور هؤرگوتو پ.ی.د/پکاکا طرفدارلاریندان اولوشدو.
ترور هؤرگوتو پ.ی.د/پکاکا یانلیسی سواللارین یؤنلدیلمهسینین سونرا توپلانتییا سون وئریلدی.
مسلم، تویتر حسابیندان، ترور هؤرگوتونه یاخین بیر حساب طرفیندن "تورکیه، عفرینده قتل عام ائدیر" یالانی ایله سرویس ائدیلن یارالی اوشاقلارین یئر آلدیغی گؤرسلی یئنیدن پایلاشاراق قارا تبلیغاتا دستک وئرمیشدی.
آنجاق مسلمین "عفرین" دئیه بپایلاشدیغی فوتوگرافین، بشار اسد رژیمینین محاصره آلتیندا ساخلادیغی و دوغرودان وطنداشلاری هدف آلدیغی، مخالیفلرین کنترلونداکی دوغو گوتادا ۱۴ سپتامبر ۲۰۱۴ده چکیلدیگی اورتایا چیخمیشدی.
مسلم، داها سونرا بو پایلاشیمی قالدیرمیشدی.
تورکیهده ترور سوچلاریندن آختارانلارین یئر آلدیغی قیرمیزی لیستهده اولان مسلم اوچون، دؤرد میلیون لیرالیق اؤدول قویولدو.
ایلگیلیلی خبرلر
جمهور باشقانی اردوغان و قاسیم جومرت توکایئو آراسیندا تلفون دانیشیغی اولوب
تورکیه پرزیدنتی رجب طیب اردوغان قازاخیستان پرزیدنتی قاسیم جومرت توکایئوله تلفون علاقهسی ساخلاییب.