رضا ضرابین مال وارلیغینا ال قویولدو
مال وارلیقلارینا ال قویولانلار آراسیندا رضا ضراب ایله ابرو گوندشین قیزی آلارا ضراب دا وار
ایستانبول جمهوریت باش ساوجیلیغی ترور و هؤرگوتلو سوچلار بیروسو طرفیندن شبههلی رضا ضراب و یاخینلاری حاقیندا سوروشدورما باشلاتدی.
سوروشدورما چرچیوهسینده، ضراب و یاخینلارینین مال وارلیقلارینا ال قویولماسی قراری وئریلدی.
ایستانبول جمهوریت باش ساوجی وکیلی حسن ییلمازین گؤستریشیله مالی سوچلارلا موباریزه شعبه مودورلویونه گؤندریلن یازیدا "ایستانبول جمهوریت باش ساوجیلیغی طرفیندن شبههلی رضا ضراب حاقیندا آچیلان سوروشدورما چرچیوهسینده شوبههلینین و باغلانتیلی اولدوغو شخصلرین یازیلی و گؤزسل مئدیادان الده ائدیلهن معلوماتلاردا تورکیه جمهوریتی دؤولت گوونلیگی، ایچ و دیش سیاسی چیخارلاری باخیمیندان ماهیتی اعتباری ایله گیزلی قالماسی لازیم اولان بیلگیلری باشقا بیر خاریجی دؤولت لهینه سیاسی و حربی جاسوسلوق مقصدی ایله تامین ائتدیینه، مال وارلیغینی قاچیرما جهدینده اولدوغونا دایر معلوماتلار الده ائدیلدیگیندن شبههلی رضا ضراب و دیگر شبههلیلرین، گرک آتیلی سوچو ایشلهییب ایشلهمهدیگی بارهده آراشدیرما آپارماق، لازیم اولسا مال وارلیغی دگرلرینین ایشلهنهن بو سوچلاردان قایناقلانمیش اولما احتیمالی، مال وارلیغی دگرلرینی قاچیرماسینین قارشیسینین آلینماسی مقصدیله آتیلی سوچو تؤرتدیینه دایر تاپقی و امارهلره چاتیلمیش اولماسی، گئجیکمهسینده ساکینجا اولان حاللارین مؤوجود اولماسی سببی ایله شبههلی رضا ضراب ایله قیزی آلارا ضرابین و قید اولونان شخصلرین داشینیر و داشینماز بوتون مال وارلیقلارینا، بانک، شیرکتلر و دیگر بوتون قوروملار یانینداکی بوتون حاق و آلاجاقلارینا، شیرکت سهملرینه (بوتون مال وارلیقلارینا) ال قویولماسینا قرار وئریلدی" دئییلدی.
مال وارلیقلارینا ال قویولان آدلار آراسیندا رضا ضراب ایله ابرو گوندشین قیزی آلارا ضراب دا وار.