"بشریت میانمار قتلعامینا سسسیز قالدی"
پرزیدنت اردوغان، ایستانبول چاتالجادا ایشتیراک ائتدیگی شهید جنازهسینین آردیندان وطنداشلارا خطاب ائدرکن، میانماردا آراکانلی مسلمانلارین درامینا دقت چکدی
"جمهورباشقانی رجب طیب اردوغان، میانمار مسئلهسینی سپتامبرین 19دا بیرلشمیش میلتلر باش قورولوندا ان گئنیش معنادا گوندمه گتیرهجکلرینی سؤیلهدی.
پرزیدنت اردوغان، ایستانبول چاتالجادا ایشتیراک ائتدیگی شهید جنازهسینین آردیندان وطنداشلارا خطاب ائدرکن، میانماردا آراکانلی مسلمانلارین درامینا دقت چکهرک،
"بشریت میانمار قتلعامینا سسسیز قالدی" دئدی.
19 سپتامبردا باش قورولدا لیدئرلرله بونلاری دانیشاجاقلارینی بیلدیرن اردوغان، ایسلام امکداشلیق تشکیلاتینین دؤنم باشقانی کیمی 20یه یاخین دونیا لیدئری ایله بو مسئلهلری گؤروشدوگونو بیلدیردی.
اردوغان،
"میانماردا تأسف کی، چوخ بؤیوک قیرغینلار گئچیریلدی. بوتون بو قیرغینلار قارشیسیندا اینسانلیق میانمار قتلعامینا سسسیز قالدی. تلویزیونلاردا ائله ظن ائدیرم کی، او میانمارنین، مسلمانلارین دوشدوگو حالی ایزلدینیز. نئجه عذابلار چکدیگینی گؤردونوز. کندلرینین نئجه یاندیریلدیغینی گؤردونوز. بیز تورکیه اولاراق قیزیل آی جمعیتیمیزله، آفادیمیزلا (فلاکت و عاحل دوروم یؤنهتیمی باشقانلیغی) بورالارا یاردیملاریمیزی چاتدیردیق، چاتدیرماغا داوام ائدیریک" شکلینده دانیشدی.
بو آرادا، خاریجی ایشلر باخانی مؤولود چاووشاوغلو، ایرانلی قونومداشی جواد ظریف ایله تلفندا دانیشدی.
دیپلوماتیک منبعلردن آلینان معلوماتا گؤره، چاووشاوغلو ایله ظریفین دانیشیغیندا، آراکانلی مسلمانلارین وضعیتی مذاکیره اولوندو.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی