شهید بویوک ائلچی طاها جاریم-ین خاطرهسی واتیکان-دا یاد ائدیلدی
بویوک ائلچی جاریم-ین خاطرهسی اؤلومونون 40-جی ایلدؤنومونده واتیکانا عاید کان سلریا ساراییندا تشکیل اولونان مراسیمده یاد ائدیلدی.
تورکیهنین واتیکان بویوک ائلچیسی وظیفهسینده ایشلهدیگی زامان ائرمنی ترور تشکیلاتی طرفیندن شهید ائدیلن بویوک ائلچی جاریم-ین خاطرهسی اؤلومونون 40-جی ایلدؤنومونده واتیکانا عاید کان سلریا ساراییندا تشکیل اولونان مراسیمده یاد ائدیلدی.
یاد ائتمه مراسیمینه تورکیهنین واتیکان بویوک ائلچیسی پروفئسور مهمت پاچاجی ائو صاحبلیگی ائتدی.
مراسیمده تورکیهنین روما بویوک ائلچیسی مراد سلیم اسنلر و تورکیهنین کلن باش کونسوللوغو دین خیدمتلری آتشهلیگی دین خادیمی امره شیمشک ده قاتیلدی.
بویوک ائلچی مهمد پاچاجی چیخیش ائدهرک شهید بویوک ائلچی جاریمین اوز کئچمیشینی اوخودو، بوتون ترور حادثه لرینین سرت شکیلده قینانماسینا چاغیردی.
پاچاجی واتیکان رسمیلرینه مراسیمه قاتیلدیقلاری و کان سلریا ساراییندا یاد ائتمه مراسیمی کئچیرمهیه ایمکانی یاراتدیقلاری اوچون تشککور ائتدی.
چیخیشلاردان سونرا امره شیمشک بویوک ائلچی طاها جاریمین روحونا قورانی کریم اوخودو.
خاطیرلاداق کی، بویوک ائلچی طاها جاریم واتیکانین روما شهر مرکزیندکی کان سلریا ساراییندا 9 ژوئن 1977-جی ایلده ائرمنی ترور تشکیلاتینین عضولری طرفیندن آتوماتیک سلاحلاردان آتش آچیلاراق شهید ائدیلمیشدی.