جمهور باشقانی اردوغان-نین 1 می مئساژی
جمهورباشقانی رجب طیب اردوغان امکچیلری ایش بایرامی موناسیبتیله تبریک ائتدی.
جمهورباشقانی رجب طیب اردوغان امکچیلری ایش بایرامی موناسیبتیله تبریک ائتدی.
جمهور باشقانلیغی مطبوعات خیدمتین‌دن وئریلن یازی‌لی معلوماتا گؤره، اردوغان "1 می امک و دایانیشما گونو" موناسیبتیله مئساژ یاییملایا‌راق بیلدیردی کی، تورکیه‌نین بؤیومه‌سی، اینکیشافی و هدف‌لرینه چاتماسیندا امک و زحمت‌لری ایله اهمیت‌لی قاتقی‌سی اولان ایشچی و زحمتکش‌لری دایانیشما گونو موناسیبتی ایله تبریک ائدیرم. بوتون دونیادا بیرلیک، دایانیشما و حاق‌سیزلیق‌لارلا موباریزه گونو اولا‌راق قئید اولونان، ایشچی و امکچی قارداشلاریمیزین دئموکراتیک و باریشچی یول‌لارلا حاق آختاریش‌لاری‌نین سیمبولو اولان بو بایرامین ایشچی‌لرین پروبلئم‌لری‌نین دیله گتیریلمه‌سینه و حل یول‌لارینا ایشیق توتماسینا سبب اولماسینی آرزو ائدیرم.
اردوغان امگی، آلین ترینی و حلال قازانجی اوجال‌دان، اوره تیمده و پایلاشمادا عدالتی مدافعه ائدن بیر آنلاییشین نماینده‌لری اولا‌راق، اؤلکه‌نین خوشبخت و مرفه گلجیینه ایره‌لیلمه‌سینده ایشچی‌لرین امک‌لری‌نین قارشی‌لیغینی آلما‌لارینا، ایش شرط‌لری‌نین یاخشیلاشدیریلماسینا، لاییق اولدوق‌لاری حیات ایستاندارتینا قوووشما‌لارینا بؤیوک اهمیت وئردیک‌لرینه دقت چکدی اردوغان توپلومون هر کسین فیکیرلرینی دئموکراتیک پلاتفورما‌لاردا دیله گتیرمه‌سین‌دن ممنونیت دویدوق‌لارینی ایفاده ائده‌رک، پروبلئم‌لرین قارشی‌لیق‌لی دیالوگ و اوزلاشما ایچری‌سینده حل ائدیلمه‌سینین واجیب‌لیگینی وورغولادی.
ایشچی و امک چیلرین بوتون توپلومون دستکی، بیرلیک و برابرلیک ایچینده داوام ائتدیریله‌جک ایشلره لیدئرلیک ائتمه‌سینی اهمیت‌لی گؤردوک‌لرینه ایشاره ائدن اردوغان قئید ائتدی کی، بو یاناشمانین، پروبلئم‌لرین حلینی آسانلاشدیراجاغی و دئموکراسیمیزین اینکیشافینا اهمیت‌لی تحفه وئرجگی آیدین‌دیر. بو بایرامین باریش و قارداشلیغین اگمن اولدوغو، پروووکاسیون‌لاردان اوزاق بیر بایرام هاواسیندا قئید اولونماسی آرزوسو ایله بوتون وطنداش‌لاریمیزی قلبن سالاملاییرام.
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
