بینالی ییلدیریم 16 آوریلده ائدیلهجک آنایاسا دییشیکلیگی ایله گتیریلمک ایستنن سیستمی آچیقلادی
باش ناظیر ییلدیریم، "پرزیدنتینین وظیفهسی اؤلکهنی ایداره ائتمک، مجلیسین وظیفهسی قانون چیخارماق" دئدی
باش ناظیر بینالی ییلدیریم 16 آوریلده ائدیلهجک آنایاسا دییشیکلیگی ایله گتیریلمک ایستنن سیستمده مجلیس و پرزیدنتین مسئول ساحهلرینین دقیق شکیلده تعیین اولوندوغونو سؤیلهدی.
باش ناظیر ییلدیریم، "پرزیدنتینین وظیفهسی اؤلکهنی ایداره ائتمک، مجلیسین وظیفهسی قانون چیخارماق" دئدی.
ییلدیریم، اؤزل بیر تلویزیون کانالینین ایزمیردن یایینلادیغی پروقراما قاتیلاراق گنجلرین سواللارینی جوابلادی.
مجلیسین قانون چیخارداجاغینی، بونلاری تطبیق مسئولیتینین ده جمهورباشقانیندا اولاجاغینی ایضاح ائدن ایلدیریم؛
"پرزیدنت بو ایشلری قرارنامهسیله ائدهجک. آنایاسادا قانونلا ائدیلمهسی نظرده توتولان موعضولار اصلا پرزیدنت قرارنامهسینین سلاهیتلرینه داخیل دئییل. بیر موضوعدا قانون چیخمیشسا عینی موضوعدا پرزیدنت فرمان چیخارمیشسا اعتبارلی اولان قانونون اوستونلوگودور، فرمان اعتبارسیزدیر." شکلینده دانیشدی.
بینالی ییلدیریم، یئنی سیستمده باش ناظیرلیک مقامینین اولمایاجاغینی دا ایفاده ائتدی.
جوت باشلیلیغی ایکی ایراده معناسینی گلدیگینی و تورکیهیه زامان ایتیردیگینی وورغولایان ایلدیریم، یئنی سیستمده ایرادهنین تکه ائندیریلهجگینی، میلت کیمه مسئولیت وئریرسه اؤلکهنی ده اونون ایداره ائدجگینه ایفاده ائتدی.
یئنی سیستمین اوزلاشماغی گتیرجگینی ده سؤیلهین ایلدیریم؛
"وطنداش ایکی دنه سئچمه حاقینا صاحب اولور، بیر مجلیسی سئچیر، یعنی وکیللری، بیر ده پرزیدنتینی سئچیر. بو سببدن خالق ایکی دنه مسئولیت وئریر. مجلیسه دئییر کی سن قانون قویاجاکسین، قانون چیخاراجاقسینیز، سئچدیگیم پرزیدنتینی دنتلیهجکسین، سهو ایش ائدیرسه لازیملی عملیاتی ائدهجکسن . پرزیدنتینه دا دئییر کی سن مملکتی ایداره ائدهجکسین، سؤز وئردیگین خیدمتلری ائدهجکسن. یعنی یئنی سیستم وظیفه ساحهلرینی دقیق اولاراق تعیین ائدیر. باشقا بیر دئییشله گوجلر آیریلیغینی کسکین خطلرله تعیین ائدیر. موجود سیستمده بو یوخدور. " دگرلندیرمه سینی ائتدی.
باش ناظیر ییلردیریم، گتیریلمک ایستنن سیستمده وطنداشین پاترون اولاجاغینی، بو سببدن تک آداملیغینی سؤز موضوعسو اولا بیلمیهجگینی سؤیلهدی.