"آمریکا، تورکیه ایله چالیشمالی"
جان مککین، اؤلکهسینین، ترور هؤرگوتو داعشی سرعتلی و قالیجی بیر شکیلده مغلوب ائدهبیلمک اوچون تورکیه ایله چالیشماسی لازیم اولدوغونو وورغولادی
آمریکادا جمهوریتچی پارتینین اؤنملی شخصیتلریندن آریزونا سناتورو جان مککین، اؤلکهسینین، ترور هؤرگوتو داعشی سرعتلی و قالیجی بیر شکیلده مغلوب ائدهبیلمک اوچون تورکیه ایله چالیشماسی لازیم اولدوغونو وورغولادی.
سنا سلاحلی خیدمتلر کمیتهسینین باشقانی دا اولان مککین، آنکارادا پرزیدنت رجب طیب اردوغان طرفیندن قبول ائدیلمهسینه باغلی یازیلی بیر آچیقلاما یاییملادی.
جمهوریتچی سناتور، پرزیدنت اردوغان ایله ایستی و وئریملی بیر گؤروشمه گرچکلشدیردیگینی بیلدیردی.
مککین آچیقلاماسیندا،
"آمریکا، داعشی سرعتلی و قالیجی بیر شکیلده مغلوب ائتمک، دوشمنلریمیزین پیس تأثیرینه قارشی قویماق و بؤلگهده قبول ائدیلهبیلر بیر گوج دنگهسی قورابیلمک اوچون تورکیه ایله چالیشمالی. بو مقصدله پرزیدنت اردوغان، سوریهده گوونلی بؤلگهلر یارادیلماسی و رقهنین اؤنجه آلینماسی اوچون بیر تکلیف اورتایا قویدو و بو تکلیف آمریکا طرفیندن جدیلیکله اله آلینمالی" دئدی.
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.