مولود چاووش اوغلو دومینیک-ده
چاووش اوغلو بورادا ایلک اولا‌راق دومینیک جمهوریتی‌نین خاریجی ایشلر ناظیری میگل وارگاس ایله بیر آرایا گلدی.
تورکیه‌نین خاریجی ایشلر ناظیری مولود چاووش اوغلو لاتین آمریکا سفری‌نین 3-جو دایاناجاغی دومینیک جمهوریتی اولدو.
چاووش اوغلو بورادا ایلک اولا‌راق دومینیک جمهوریتی‌نین خاریجی ایشلر ناظیری میگل وارگاس ایله بیر آرایا گلدی.
گونده‌لیکده ایکی طرف‌لی علاقه‌لرین اینکیشاف ائتدیریلمه‌سی و فتح الله چی ترور تشکیلاتی (فتو) ایله موباریزه واردی.
گؤروشده توریزم امکداش‌لیق موقاویله‌سی ایمضالاندی.
سونرا ناظرلر کامرا‌لارین قارشی‌سینا کئچدی‌لر.
فتو ایله موباریزه‌ده دومینیک جمهوریتی‌نین وئردیگی دسته‌یه گؤره تشککور ائدن چاووش اوغلو: "دومینیک جمهوریتی فتو ایله موباریزه‌میزه دستک وئره‌رک، فتو ایله علاقه‌سی اولان مکتب‌لری باغلاما قراری قبول ائدن ایلک اؤلکه‌لردن بیری اولدو" دئدی.
آنکارادا 7 ایللیک فاصیله‌دن سونرا اسرائیل ایله کئچیریلن ایلک سیاسی مصلحت لشمه‌لر باره‌سینده ده دانیشان چاووش اوغلو: "تورکیه‌نین غزه و فیلیسطین مسئله‌سین‌دکی موقعیی دقیق‌دیر" دئیه‌رک توپلانتی‌نین فایدا‌لی کئچدیگینی بیلدیردی.
ایسرائیل ایله موناسیبت‌لرین نورماللاشما پروسئسینده تورکیه‌نین اورتایا قویدوغو اوچ شرطین یئرینه یئتیریلدیگینی ده خاطیرلا‌دان چاووش اوغلو: "جناب پرزیدنتیمیز هر زامان اوچ شرطین واجیب‌لیگینی وورغولامیش‌دیر. بون‌لاردان بیری عذر و تضمیناتلا یاناشی فیلیسطین و غزه اوزرین‌دکی محدودیت‌لرین قالدیریلماسی‌دیر. موناسیبت‌لرین نورماللاشماسین‌دان اعتباراً غزه یه ائتدیگیمیز یاردیم‌لارین میقداری دا هر کئچن گون آرتیر" دئدی.
چاووش اوغلو دومینیک جمهوریتیندان سونرا مکزیک-ه گئده‌جک و بئله‌لیکله، خاریجی ایشلر ناظیری‌نین لاتین آمریکا سفری باشا چاتا‌جاق.
