چاووش اوغلو:"تروریستین کیملیکی بللی اولدو"
ایستانبولدا اورتاکؤی ده یئنی ایل گئجه ساعتلاریندا بیر گئجه کلوبوندا 39 نفرین حیاتینی ایتیردیگی هوجومو حیاتا کئچیرن تروریست ین کیملیگی بللی اولدو.
ایستانبولدا اورتاکؤی ده یئنی ایل گئجه ساعتلاریندا بیر گئجه کلوبوندا 39 نفرین حیاتینی ایتیردیگی هوجومو حیاتا کئچیرن تروریستین کیملیگی بللی اولدو.
بونو آنادولو خبر آژانسینین سواللارینا جاواب وئرن خاریجی ایشلر ناظیری مولود چاووش اوغلو دئدی.
چاووش اوغلو هوجومو تؤرهدن شخصین کیملیگینین معلوم اولدوغونو و حاضردا اونون بو ترورو تؤرتمک اوچون کیملردن کؤمک آلماسی، آرخاسیندا کیملرین اولماسی ایله باغلی آراشدیرمالارین داوام ائتدیریلدیگینی وورغولادی.
بو آرادا هوجوملا علاقهسی اولدوغو ادعا ائدیلن شوبههلیلره یونلیک ازمیرده حیاتا کئچیریلن عملیاتدا دئاش عضوو اولدوغو ایرهلی سورولن 20 نفرگوز آلتینا آلیندی.
بورنووا و بوجا قصبهلرینده اوزه ل حرکات پولیس لرینین دستکی ایله گئجه ساعتلاریندا 4 آدرسه دوزنلهنن عملیاتدا داغیستان، شرقی تورکوستان و سوریه وطنداشی 11-ی قادین 20 شوبههلی توتولدو.
شوبههلیلرین اولدوغو ائولرده آپاریلان آرامادا تک تیرانداز و گئجه دوربینی، چامادان، سیرت چانتاسی و بیر سیرا حربی ماتریاللار اله کئچیریلدی.
شوبههلیلرین اورتاکؤیده کی ترور هوجومونو تؤرهدن شوبههلی ایله کونیاداکی هوجره ائوینده بیرلیکده قالدیقلاری ادعا ائدیلدی.
شوبههلیلرین ایفادهسی چرچیوهسینده یئنی ساخلانیلانلارین اولا بیله جگی بیلدیریلیر.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"