رجب طیب اردوغان قطر تلویزیونونا مصاحبه وئردی

تورکیه‌نین دؤولت باشچی‌سی رجب طیب اردوغان سوریه‌نین شیمالیندا گوونلی، اوچوشا قاداغان بولگه‌نین یارادیلماسی و خالقین گئری قاییدا بیلمه‌سی اوچون 5 مین کیلومترمربع اراضی‌نین تروردان تمیزلنیلمه‌سی‌نین هدفلندیگینی دئدی.

 قطرین روتانا تلویزیون کانالینا مصاحبه وئرن دؤولت باشچی‌سی بؤلگه‌ده‌کی سون پروسئسلری دیرلندیردی.

 سوریه‌لی معتدل موخالیفت قوه لری ایله امکداش‌لیق ائدرک حرکت ائدیلدیگینی ایفاده ائدن رجب طیب اردوغان "فرات قالخانی" عملیاتی ایله ترور تشکیلاتی داعش –دن تمیزلنن جرابلس-ا 30 - 40  مین آدامین گئری قاییتدیغینی بیلدیردی.

رجب طیب اردوغان : "موصل موصل‌لولارین، تلافر ده تلافرلیلرین‌دیر. موصل ترور تشکیلاتی داعش-دن آزاد ائدیلدیکدن سونرا بوردا یالنیز سنی عربلر، تورکمنلر و سنی کوردلر قالمالیدیر’’ دئیه بیلدیردی.

"قاچقین قارداش‌لاریمیزا 12.5 میلیارد دو‌لار خرجله‌دیک . بو بیزیم وظیفه میزدیر" دئین دؤولت باشچی‌سی غرب‌ین  مسئولیت‌دن قاچدیغینی، اولوسلار آراسی تشکیلات‌لارین ایسه سوریه‌لیلره یالنیز 520 میلیون دو‌لار خرجلدیگینی وورغولادی.

رجب طیب اردوغان:"سوریه ده 600 مین وطنداشینی اؤلدورن بشار اسد گئتملیدیر" دئیه سؤزلرینه علاوه ائتدی.

دؤولت باشچی‌سی مصر-تورکیه موناسیبتلری‌نین نورماللاشماسی‌نین حربی چئوریلیش ایله وظیفه‌دن اوزاق‌لاش‌دیریلان سابیق پرزیدنت محمد مرسی ایله بوتون چئوریلیش علیه‌دارلارینین آزادلیغا بوراخیلماسینا باغلی اولدوغونو وورغولادی.