غازی آنتپ‌دکی توی مراسیمینه اولان تروریست سالدیریدا، اؤلنلرین سایسی 50 نفره یؤکسلدی
حادثه‌نین، بؤیوک احتیماللا بیر جان‌لی بومبا طرفین‌دن تشکیل ائدیلن بیر ترور هوجومو اولدوغو والی علی یئرلیکایا طرفین‌دن ده تصدیقلندی
غازی آنتپ‌ده بیر توی مراسیمینی قانا بولایان تروریست سالدیریدا، آرا‌لاریندا اوشاق‌لارین دا اولدوغو 50 نفر اؤلدو.
شهر مرکزین‌دکی بیر ابتیدای مکتب باغچه‌سینده حیاتا کئچیریلن بیر توی مراسیمی اثناسیندا یاشانان سالدیریدا، 74 نفر ده یارالاندی.
عدالت و قالخینما پارتیسی غازی آنتپ میللت وکیلی محمت اردوغان، بو جور سالدیری‌لاری داعش و پ.ک.ک کیمی قان‌لی تشکیلات‌لارین ائتدیغینی ایشاره ائده‌رک،
"بون‌لارلا موباریزه‌میز داوام ائده‌جک" دئدی.
حادثه‌نین، بؤیوک احتیماللا بیر جان‌لی بومبا طرفین‌دن تشکیل ائدیلن بیر ترور هوجومو اولدوغو والی علی یئرلیکایا طرفین‌دن ده تصدیقلندی.
تورکیه پرزیدنتی رجب طیب اردوغان، مسئول‌لاردان، وحشی هوجوملا باغلی معلومات آلدی.
باش ناظیر بینا‌لی ییل‌دیریمین تعلیماتی ایله، باش ناظیر معاوینی محمت شیمشک و ساغلیق ناظیری رجب آکداغ ایله برابرین‌دکی هیات غاازی آنتپه گئتدی.
مسئله‌نین اؤزونو تورکیه‌دکی ایستیقرار و ثابت‌لیگی پوزمانین میدانا گتیردیگینی وورغولایان محمت شیمشک، غازی آنتپ خالقین‌دان تخریبات‌لارا گلممه‌لرینی ایسته‌دی.
بؤیوک بیر اویونون اویناندیغی‌نین وورغولایان شیمشک، میللت اولا‌راق آغلی باشیندا بیر شکیلده بؤیوک بیر همرای‌لیک گؤستره‌رک بو پروبلم‌لرین عهده‌سین‌دن گلینه‌جگینی وورغولادی.
شیمشک، دولتین ترور تشکیلات‌لاری موباریزه‌سی‌نین ده قطعیتله داوام ائدجگینی قید ائتدی.
شیمشک و آکداغ خسته‌خانا‌لاردا معا‌لیجه گؤرن یارا‌لی‌لاری زیارت ائتدی، مسئول‌لاردان معلومات آلدی.
جمهوریت خالق پارتیسی و میللیتچی حرکت پارتیسی ده غازی آنتپ میللت وکیل‌لرینی شهره گؤندردی.
غازی آنتپ‌ده تام 4 ایل اوّل بو گون، بؤلوچو تشکیلات پ.ک.ک عضوو تروریست‌لرین تشکیل ائتدیگی قان‌لی سالدیریدا دا 10 نفر جان وئرمیشدی.
